હવે Paytm મની સાથે બોન્ડમાં કરી શકો છો રોકાણ, કંપનીએ રિટેલ રોકાણકારો માટે એક નવું પ્લેટફોર્મ કર્યું લોન્ચ

હવે તમે Paytm મની સાથે બોન્ડ્સમાં પણ રોકાણ કરી શકો છો. Paytm ની પેરન્ટ કંપની One97 Communications એ જણાવ્યું હતું કે તેની સંપૂર્ણ માલિકીની પેટાકંપની Paytm Moneyએ ભારતમાં રિટેલ રોકાણકારો માટે બોન્ડ પ્લેટફોર્મ લોન્ચ કર્યું છે. કંપનીએ કહ્યું કે આ પ્લેટફોર્મ સાથે રોકાણકારો 3 પ્રકારના બોન્ડ્સમાં રોકાણ કરી શકશે - સરકારી બોન્ડ, કોર્પોરેટ બોન્ડ અને ટેક્સ ફ્રી બોન્ડ. કંપનીએ જણાવ્યું હતું કે મ્યુચ્યુઅલ ફંડ્સ અને શેરોમાં સરળ પ્રત્યક્ષ રોકાણ લાવવાની પ્રથમ પેઢી હોવાને કારણે, Paytm મની ભારતીય મૂડી બજારમાં નવીનતામાં મોખરે છે.

પેટીએમ મનીના સીઈઓ વરુણ શ્રીધરે કહ્યું, “ભારતમાં બોન્ડ રોકાણની આ માત્ર શરૂઆત છે. અમે માનીએ છીએ કે પ્રથમ વખતના રોકાણકારો માટે મૂડીબજારમાં પ્રવેશવાનો શ્રેષ્ઠ માર્ગ બોન્ડ્સ છે. વ્યક્તિ પાસે તેના મુખ્ય ભાગ તરીકે બોન્ડ્સ સાથેનો વૈવિધ્યસભર રોકાણ પોર્ટફોલિયો હોવો જોઈએ.” તેમણે ઉમેર્યું, “અમે રોકાણકારો માટે ટેકનોલોજી આધારિત શ્રેષ્ઠ સુવિધાઓ લાવવાનું ચાલુ રાખીશું.

સિક્યોરિટી એન્ડ એક્સચેન્જ બોર્ડ ઓફ ઈન્ડિયા (સેબી) સાથે રજિસ્ટર્ડ બ્રોકર તરીકે Paytm મનીએ જણાવ્યું હતું કે તે ભારતમાં સુરક્ષિત અને પારદર્શક બોન્ડ પ્રોડક્ટ લાવવા માટે હાલના નિયમનકારી માળખાનો લાભ લઈ રહી છે.

કંપનીએ કહ્યું કે તે માને છે કે દેશમાં 100 કરોડ રોકાણકારો સુધી પહોંચવાની ક્ષમતા છે અને તેના માટે બોન્ડ્સ મૂડી બજારમાં પ્રવેશવાનો શ્રેષ્ઠ માર્ગ હશે. બોન્ડ્સ હાલમાં પેટીએમ મની પર અર્લી એક્સેસ વેઇટલિસ્ટ પ્રોગ્રામ સાથે લોન્ચ કરવામાં આવી રહ્યા છે.