Personal Loan: શું લોનની સાથે ઈન્શ્યોરન્સ લેવો જરૂરી છે? જાણો તેના ફાયદા અને મહત્ત્વના નિયમો

Personal Loan Insurance: જ્યારે પણ આપણને અચાનક પૈસાની જરૂર પડે છે, ત્યારે પર્સનલ લોન સૌથી મોટો સહારો બનીને આવે છે. મેડિકલ ઈમરજન્સી હોય કે અન્ય કોઈ ખર્ચ, પર્સનલ લોન આર્થિક સંકટ સમયે કામ લાગે છે. જોકે, લોન લેવી જેટલી સરળ છે, તેને ચૂકવવી એટલી જ જવાબદારીનું કામ છે. ઘણીવાર લોનના ઊંચા વ્યાજદર અને EMI નું ભારણ બજેટ બગાડી નાખે છે.

આવી સ્થિતિમાં, જો લોન લેનાર વ્યક્તિ સાથે કોઈ અનહોની થાય તો લોનનો બોજ સીધો પરિવાર પર આવી જાય છે. આ જોખમથી બચવા માટે 'પર્સનલ લોન ઈન્શ્યોરન્સ' એક ઉત્તમ વિકલ્પ સાબિત થઈ શકે છે. ચાલો સમજીએ કે આ ઇન્શ્યોરન્સ શું છે અને તે લેવો શા માટે ફાયદાકારક છે.

પર્સનલ લોન ઈન્શ્યોરન્સ શું છે?

સરળ શબ્દોમાં કહીએ તો, 'પર્સનલ લોન ઈન્શ્યોરન્સ' અથવા 'પર્સનલ લોન પ્રોટેક્શન ઈન્શ્યોરન્સ' એક સુરક્ષા કવચ છે. જો લોન ચાલુ હોય તે દરમિયાન લોન લેનાર વ્યક્તિનું મૃત્યુ થાય, કાયમી અપંગતા આવે અથવા ગંભીર બીમારી થાય, તો આ પોલિસી બાકીની લોન ચૂકવવામાં મદદ કરે છે. આનાથી મુશ્કેલ સમયમાં તમારા પરિવાર પર લોન ચૂકવવાનું ભારણ આવતું નથી.

આ સવાલ મોટાભાગના લોકોના મનમાં હોય છે. તેનો સીધો જવાબ છે - ના, આ ફરજિયાત નથી. પર્સનલ લોન સાથે ઈન્શ્યોરન્સ લેવો એક ઓપ્શનલ બાબત છે. ઘણી બેંકો અને NBFCs લોન આપતી વખતે ઈન્શ્યોરન્સ લેવાનો આગ્રહ રાખતી હોય છે, પરંતુ તેને લેવો કે નહીં તે સંપૂર્ણપણે તમારા હાથમાં છે. તમારે તમારી આર્થિક સ્થિતિ જોઈને નિર્ણય લેવો જોઈએ.

પર્સનલ લોન ઈન્શ્યોરન્સના 5 મુખ્ય ફાયદા

જો તમે ઇન્શ્યોરન્સ લેવાનું વિચારો છો, તો તમને નીચે મુજબના ફાયદા મળી શકે છે:

1) પરિવારની સુરક્ષા: જો લોન લેનાર સાથે કોઈ દુર્ઘટના બને, તો બાકીની લોન ઇન્શ્યોરન્સ કંપની ચૂકવે છે. જેથી પરિવારના સભ્યો પર દેવું ચૂકવવાનું પ્રેશર આવતું નથી.

2) માનસિક શાંતિ: માથે દેવું હોય ત્યારે ચિંતા રહેતી હોય છે, પરંતુ જો વીમો લીધેલો હોય તો તમને માનસિક શાંતિ મળે છે કે ભવિષ્યમાં કોઈ પણ સ્થિતિમાં પરિવાર સુરક્ષિત રહેશે.

3) ઓછું પ્રીમિયમ: સામાન્ય રીતે લોનની રકમની સરખામણીમાં આ ઈન્શ્યોરન્સનું પ્રીમિયમ ઘણું ઓછું હોય છે, જે પોસાય તેવું હોય છે.

4) ફ્લેક્સિબલ પેમેન્ટ: હવે ઘણી બેંકો એવી સુવિધા આપે છે કે તમે ઈન્શ્યોરન્સનું પ્રીમિયમ લોનની રકમમાંથી કપાવી શકો છો અથવા તેને તમારા EMI માં પણ ઉમેરી શકો છો.

5) કસ્ટમાઈઝ્ડ પ્લાન: આજકાલ કંપનીઓ તમારી જરૂરિયાત મુજબના પ્લાન ઓફર કરે છે, જેથી તમારે બિનજરૂરી વધારે પ્રીમિયમ ભરવું પડતું નથી.

બેસ્ટ પર્સનલ લોન ઓફર ક્યાં મળશે?

જો તમે પર્સનલ લોન લેવાનું વિચારી રહ્યા હોવ, તો મનીકંટ્રોલ (Moneycontrol) જેવા ડિજિટલ પ્લેટફોર્મ પર તમે વિવિધ ઓફર્સ ચેક કરી શકો છો. અહીં તમે સંપૂર્ણ ડિજિટલ પ્રોસેસ દ્વારા 50 લાખ રૂપિયા સુધીની લોન મેળવી શકો છો. અહીં વ્યાજદર વાર્ષિક માત્ર 10.5%થી શરૂ થાય છે.

પર્સનલ લોન ઈન્શ્યોરન્સના પ્રકાર

સામાન્ય રીતે લોન પ્રોટેક્શનમાં બે પ્રકારના કવર મળે છે:

ટર્મ ઈન્શ્યોરન્સ: લોન દરમિયાન જો લોન લેનારનું મૃત્યુ થાય, તો નોમિનીને લોનની બાકી રકમ જેટલી મદદ મળે છે.

ક્રિટિકલ ઈલનેસ કવર: જો લોન લેનારને કેન્સર, હાર્ટ એટેક જેવી ગંભીર બીમારી થાય, તો સારવાર અને લોન ચૂકવણી માટે નક્કી કરેલી રકમ મળે છે.

સાચો ઈન્શ્યોરન્સ કેવી રીતે પસંદ કરવો?

* તમારી આવક અને લોનની રકમ પ્રમાણે પોલિસી પસંદ કરો.

* અલગ-અલગ કંપનીઓના પ્લાન અને પ્રીમિયમની તુલના કરો.

* જે કંપનીનો 'ક્લેમ સેટલમેન્ટ રેશિયો' સારો હોય તેની પસંદગી કરો.

* પોલિસીના નિયમો અને શરતો (Terms & Conditions) ધ્યાનથી વાંચો.

પર્સનલ લોન ઈન્શ્યોરન્સ ભલે ફરજિયાત ન હોય, પરંતુ તે એક સમજદારીભર્યું પગલું છે. તે તમારા પરિવારને ભવિષ્યની આર્થિક મુશ્કેલીઓથી બચાવે છે. જો તમે મોટી રકમની લોન લઈ રહ્યા હોવ, તો થોડા પ્રીમિયમમાં સુરક્ષા મેળવવી ફાયદાકારક છે.

આ પણ વાંચો- ઈરાન મુદ્દે ટ્રમ્પનું 'યુ-ટર્ન'? પહેલા કહ્યું 'મદદ આવશે', હવે સૂર બદલાયા, જાણો શું છે હકીકત