શું તમારું ખાતું પણ દેશની સૌથી મોટી સરકારી બેંક સ્ટેટ બેંક ઓફ ઇન્ડિયામાં છે? જો હા, તો આ સમાચાર તમારા માટે ખૂબ જ અગત્યના છે. બેંકના ગ્રાહકોની અંગત માહિતીની સુરક્ષા પર મોટો ખતરો ઊભો થયો છે. એવા અહેવાલો સામે આવ્યા છે કે 'ડાર્ક વેબ' પર SBI ના હજારો ગ્રાહકોનો ડેટા લીક થઈ ગયો છે. આ મામલો સામે આવતા જ બેંક પ્રશાસન હરકતમાં આવ્યું છે અને તાત્કાલિક તપાસ શરૂ કરી દીધી છે.
SBI ગ્રાહકો સાવધાન, ડાર્ક વેબ પર ડેટા લીક થયાની આશંકા, 3897 લોકોની અંગત માહિતી જોખમમાં, બેંકે શરૂ કરી તપાસ
શું તમારું ખાતું SBI માં છે? દેશની સૌથી મોટી બેંકના 3897 ગ્રાહકોનો ડેટા ડાર્ક વેબ પર લીક થયાની આશંકા છે. બેંકે તપાસ શરૂ કરી છે. જાણો ફ્રોડથી બચવા શું કરવું.
MoneyControl Newsઅપડેટેડ Oct 21, 2026 પર 1:13 PM
ડાર્ક વેબ પર મળ્યા 3897 ગ્રાહકોના રેકોર્ડ
બુધવારે શેરબજારને આપેલી સત્તાવાર માહિતીમાં SBI એ જણાવ્યું કે તેમને 16 ઓક્ટોબર 2026 ના રોજ થ્રેટ ઈન્ટેલિજન્સ સર્વિસ પ્રોવાઈડર, ડિફેન્સ સાયબર એજન્સી અને ભારતીય કમ્પ્યુટર ઇમરજન્સી રિસ્પોન્સ ટીમ (CERT-In) તરફથી એક એલર્ટ મળ્યું હતું. આ એલર્ટ બાદ બેંકે ડાર્ક વેબ પર રહેલા લગભગ 3.75 લાખ રેકોર્ડ્સની પ્રાથમિક તપાસ કરી હતી. આ તપાસમાં 3897 રેકોર્ડ એવા મળ્યા છે જેમાં SBI ના ગ્રાહકોની ઓળખ છતી થતી હોવાની આશંકા છે.
કઈ કઈ માહિતી લીક થવાનો ડર છે?
આ લીક થયેલા ડેટામાં ગ્રાહકોની અત્યંત ખાનગી અને મહત્વની માહિતી સામેલ હોવાની શક્યતા છે. રિપોર્ટ મુજબ, નીચે દર્શાવેલી વિગતો લીક થઈ શકે છે:
ગ્રાહકનું નામ અને જાતિ
રજિસ્ટર્ડ મોબાઈલ નંબર અને ઈમેલ આઈડી
જન્મ તારીખ (DOB)
ઘરનું સરનામું અને બેંક બ્રાન્ચની વિગતો
કસ્ટમર ઇન્ફોર્મેશન ફાઇલ (CIF) નંબર
લોન અને અન્ય બેંકિંગ ફાઇલોની માહિતી
SBI એ કયા પગલાં લીધા?
મામલાની ગંભીરતાને જોતા બેંકે સાયબર સુરક્ષા માટેના ઇમરજન્સી પગલાં લેવાનું શરૂ કરી દીધું છે. SBI એ CERT-In દ્વારા માન્યતા પ્રાપ્ત એક સ્વતંત્ર સાયબર સુરક્ષા એજન્સીને આ કેસની ઊંડાણપૂર્વક તપાસ સોંપી છે. આ એજન્સી તપાસ કરશે કે ડાર્ક વેબ પર રહેલો ડેટા સાચો છે કે નહીં. આ ઉપરાંત ડેટા ક્યાંથી લીક થયો અને આ ઘટના કેટલી મોટી છે તેની પણ ભાળ મેળવવામાં આવશે. બેંક હાલમાં ગ્રાહકો પર આવનારા જોખમનો અંદાજ લગાવી રહી છે અને જરૂરી બચાવના પગલાં લઈ રહી છે.
ગ્રાહકોએ શું સાવધાની રાખવી?
જો તમારી અંગત માહિતી સાઇબર ગઠિયાઓના હાથમાં જાય તો તમારી સાથે ઓનલાઈન ફ્રોડ થઈ શકે છે. આ માહિતીનો ઉપયોગ ફેક કોલ, મેસેજ કે ઇમેઇલ મોકલીને બેંક ખાતું ખાલી કરવા માટે થઈ શકે છે. તેથી ગ્રાહકોએ આ વાતોનું ખાસ ધ્યાન રાખવું.
કોઈપણ અજાણ્યા નંબર પરથી આવતા કોલ કે મેસેજમાં આપેલી લિંક પર ભૂલથી પણ ક્લિક ન કરો. ફોન પર કોઈની પણ સાથે તમારો OTP, ATM PIN, પાસવર્ડ કે બેંકની અન્ય ખાનગી માહિતી શેર ન કરો. યાદ રાખો, બેંકનો કોઈ અધિકારી ક્યારેય ફોન પર તમારો પાસવર્ડ કે પિન માંગતો નથી.
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.