Gold-Silver Price Today: એક જ દિવસમાં ચાંદી 8,900 સસ્તી થઈ, સોનાના ભાવ પણ ગગડ્યા, જાણો ખરીદી માટે કેવી છે તક?

Gold-Silver Price Today: બુલિયન માર્કેટમાંથી ગ્રાહકો અને રોકાણકારો માટે મોટા સમાચાર આવ્યા છે. મંગળવારે સોના અને ચાંદીના ભાવમાં મોટો કડાકો જોવા મળ્યો છે. ખાસ કરીને ચાંદીમાં એક જ દિવસમાં 8,900 નો તોતિંગ ઘટાડો નોંધાયો છે, જ્યારે સોનું પણ સસ્તું થયું છે. આવા સમયે ગ્રાહકોના મનમાં સવાલ ઉઠે છે કે શું ઘરેણાં ખરીદવાની આ સાચી તક છે કે પછી હજુ ભાવ ઘટશે? બજારની નજર હાલ અમેરિકાના મોંઘવારી ડેટા પર ટકેલી છે.

દિલ્હી ઝવેરી બજારના લેટેસ્ટ ભાવ

દિલ્હી સર્રાફા બજારમાં મંગળવારે સોના અને ચાંદી બંનેની ચમક ફિક્કી પડી હતી. લેટેસ્ટ આંકડા મુજબ,,,24 કેરેટ સોનાના ભાવમાં 10 ગ્રામ દીઠ 700 નો ઘટાડો થયો છે. આ ઘટાડા બાદ સોનાનો નવો ભાવ 1,46,300 પ્રતિ 10 ગ્રામ થઈ ગયો છે. અગાઉ સોમવારે આ ભાવ 1,47,000 હતો. ચાંદીના ભાવમાં સીધો 8,900 નો ઘટાડો જોવા મળ્યો છે. એક દિવસ પહેલા જે ચાંદી 2,35,000 પ્રતિ કિલોએ બંધ થઈ હતી, તે આજે ગગડીને 2,26,100 પ્રતિ કિલોગ્રામ પર આવી ગઈ છે.

સ્થાનિક બજારમાં ભાવ કેમ ઘટ્યા?

ઓલ ઈન્ડિયા ઝવેરી એસોસિએશનના જણાવ્યા અનુસાર, સ્થાનિક બજારમાં સોના-ચાંદીના ભાવ ઘટવા પાછળનું મુખ્ય કારણ માંગમાં આવેલો ઘટાડો છે. જ્વેલર્સ અને ઔદ્યોગિક ખરીદદારો તરફથી માંગ નબળી રહેતા કિંમતો પર દબાણ વધ્યું છે.

આંતરરાષ્ટ્રીય બજારની સ્થિતિ સાવ અલગ

જ્યાં ભારતીય બજારમાં ભાવ ઘટ્યા છે, ત્યાં આંતરરાષ્ટ્રીય બજારમાં સ્થિતિ થોડી અલગ જોવા મળી છે. વૈશ્વિક બજારમાં સ્પોટ ગોલ્ડમાં સામાન્ય વધારો નોંધાયો છે અને તે 4,020.13 ડોલર પ્રતિ ઔંસ પર કારોબાર કરતું જોવા મળ્યું. જ્યારે સ્પોટ સિલ્વર પણ લગભગ 1% વધીને 58.06 ડોલર પ્રતિ ઔંસ પર પહોંચી ગયું છે.