Wealth Creation Tips: માત્ર મોટા પગારના ભરોસે ન બેસો, એક્સપર્ટે જણાવી ધનવાન બનવાની 5 સ્માર્ટ રીતો

Wealth Creation Tips: શું તમને પણ એવું લાગે છે કે અમીર બનવા માટે બહુ મોટો પગાર હોવો જરૂરી છે? જો તમારી પણ આ જ વિચારસરણી છે, તો તમે મોટી ભૂલ ખાઈ રહ્યા છો. ઘણા લોકો પોતાનો પગાર વધશે પછી રોકાણ શરૂ કરીશું, એવું વિચારીને ક્યારેય રોકાણની શરૂઆત જ નથી કરી શકતા. બીજી તરફ, ઓછી આવક ધરાવતા લોકો નાની પણ નિયમિત બચતથી ભવિષ્ય માટે મોટું ફંડ તૈયાર કરી લે છે.

આશિષ કાંચરલા એન્ડ એસોસિએટ્સના ફાઉન્ડર અને CAના મતે, વેલ્થ ક્રિએશન માટે મોટી સેલરી કરતા વધુ જરૂરી તમારી કેટલીક ખાસ આદતો છે. જો તમે પણ ભવિષ્યમાં આર્થિક રીતે સદ્ધર થવા માંગતા હોવ, તો આ 5 રીતો અજમાવવી જોઈએ.

1. પહેલા રોકાણ કરો, પછી ખર્ચ કરો

પૈસા કમાવવા અને બચાવવા વચ્ચે સૌથી મોટો અડચણ આપણી જૂની વિચારસરણી છે. આપણામાંથી મોટાભાગના લોકો પહેલા ખર્ચ કરે છે અને મહિનાના અંતે જે પૈસા વધે તેને બચાવવાનું વિચારે છે. આ આદત વેલ્થ ક્રિએશનમાં સૌથી મોટી દુશ્મન છે. નવો નિયમ એ છે કે, પગાર આવતાની સાથે જ પહેલા બચત અને રોકાણ કરો, ત્યારબાદ વધેલા પૈસામાંથી ઘરખર્ચ ચલાવો. દાખલા તરીકે, જો તમારો માસિક પગાર 1 લાખ રૂપિયા છે, તો તમારે દર મહિને ઓછામાં ઓછા 20,000 થી 30,000 રૂપિયાનું રોકાણ કરવું જ જોઈએ.

રોકાણ એ કોઈ તહેવાર નથી કે જે વર્ષમાં ત્રણ-ચાર વખત જ આવે. તેમાં નિયમિતતા હોવી ખૂબ જ જરૂરી છે. ઘણા લોકો રોકાણની શરૂઆત તો ઉત્સાહમાં આવીને કરી દે છે, પરંતુ થોડા મહિનાઓ પછી તે બંધ કરી દે છે. આવું ન કરો. શરૂઆતમાં તમારી ક્ષમતા મુજબની જ રકમ નક્કી કરો, જેથી તમે તેને લાંબા સમય સુધી રોકી ન પડો અને અનુશાસન જળવાઈ રહે.

3. આવક વધે તેમ ખર્ચને ન વધવા દો

સામાન્ય રીતે લોકોનો પગાર વધે એટલે તરત જ તેમની લાઈફસ્ટાઈલ અને ખર્ચ પણ વધી જાય છે. વેલ્થ ક્રિએશન માટે આ આદત બિલકુલ યોગ્ય નથી. જો આજે તમારો પગાર 1 લાખ છે અને પાંચ વર્ષ પછી તે વધીને 2.5 લાખ થઈ જાય, તો તેનો અર્થ એ નથી કે તમારો ખર્ચ પણ 2.5 ગણો વધી જવો જોઈએ. પગારમાં થયેલા વધારાનો ઉપયોગ તમારા રોકાણને વધારવા માટે કરો. આનાથી તમે ખૂબ જ ઝડપથી મોટું ફંડ બનાવી શકશો.

4. વીમો માત્ર સુરક્ષા માટે છે, રોકાણ માટે નહીં

ઘણા લોકો ઈન્શ્યોરન્સ અને રોકાણ વચ્ચેનો તફાવત સમજી શકતા નથી. એક્સપર્ટ્સનું સ્પષ્ટ કહેવું છે કે વીમાનો ઉપયોગ માત્ર પરિવારની સુરક્ષા માટે થવો જોઈએ, રોકાણ પર વળતર મેળવવા માટે નહીં. જો તમારા પરિવારમાં પત્ની અને બાળકો છે, તો તેમની આર્થિક સુરક્ષા તમારી પહેલી પ્રાથમિકતા હોવી જોઈએ. આ માટે એક સારો 'ટર્મ પ્લાન' લેવો શ્રેષ્ઠ છે. એન્ડોવમેન્ટ પોલિસી (જેમાં પૈસા પાછા મળે છે) ની સરખામણીમાં ટર્મ પોલિસીનું પ્રીમિયમ ઘણું ઓછું હોય છે અને કવર મોટું મળે છે.

5. રોકાણમાં ડાઇવર્સિફિકેશન જરૂરી છે

માત્ર પૈસા બચાવવા પૂરતા નથી, પરંતુ તમે તે પૈસા ક્યાં રોકો છો તે ખૂબ મહત્વનું છે. તમારા રોકાણ પર મળતું વળતર મોંઘવારી દર કરતા વધુ હોવું જોઈએ, નહીં તો લાંબા ગાળે તમારા પૈસાની વેલ્યુ ઘટી જશે. તમારા પોર્ટફોલિયોમાં ડાઇવર્સિફિકેશન હોવું જોઈએ. જો તમે શેરબજાર કે મ્યુચ્યુઅલ ફંડમાં પૈસા લગાવો છો, તો સાથે જ ફિક્સ્ડ ઇન્કમ આપતા સાધનો જેવા કે PPF, VPF, બેંક FD અને બોન્ડ્સમાં પણ રોકાણ કરો. આ ઉપરાંત, તમારા કુલ રોકાણનો 10 થી 15 ટકા હિસ્સો સોના અને ચાંદીમાં પણ હોવો જોઈએ.

આ પણ વાંચો-Stocks to Buy: શેરબજારમાં કમાણીની શાનદાર તક, આ 5 શેરો આપી શકે છે 73% સુધીનું બમ્પર રિટર્ન, જાણો બ્રોકરેજની સલાહ