કિસાન ક્રેડિટ કાર્ડ શું છે, કેટલી લોન ઉપલબ્ધ છે અને લાભ કેવી રીતે મેળવવો? જાણો તમામ વિગતો

કિસાન ક્રેડિટ કાર્ડ અથવા KCC ખેડૂતોમાં સૌથી વધુ પોપ્યુલર યોજનાઓ પૈકીની એક છે. KCC યોજના વર્ષ 1998 માં ખેડૂતો માટે લોન પ્રોસેસને સરળ બનાવવાના ઉદ્દેશ્ય સાથે રજૂ કરવામાં આવી હતી. જેમાં ખેડૂતોને કૃષિ હેતુ માટે લોન આપવામાં આવે છે. આ યોજનામાં, ખેડૂતોને 4%ના ખૂબ જ પોસાય તેવા વ્યાજ દરે લોન આપવામાં આવે છે. આ યોજનામાં અરજદારની લઘુત્તમ વય 18 વર્ષ છે અને તેની કોઈ મહત્તમ વય મર્યાદા નથી. આ યોજના હેઠળ મહત્તમ 3 લાખ રૂપિયા સુધીની લોન લઈ શકાય છે. લોનની મહત્તમ મુદત 5 વર્ષ છે. કિસાન ક્રેડિટ કાર્ડની વેલિડિટી પણ 5 વર્ષની છે.

અગાઉ KCC લોનમાં રુપિયા 1.60 લાખથી વધુની લોન માટે ગેરંટી જરૂરી હતી. હવે તાજેતરમાં RBI એ ગેરંટી ફ્રી લોનની મર્યાદા વધારીને 2 લાખ રૂપિયા કરી છે. એટલે કે તમને કોઈપણ ગેરંટી વગર 2 લાખ રૂપિયા સુધીની લોન મળશે.

KCC લોન માટે કેવી રીતે અરજી કરવી?

સ્ટેપ 1. તમે જે બેન્કમાંથી કિસાન ક્રેડિટ કાર્ડ યોજના માટે અરજી કરવા માંગો છો તેની વેબસાઇટ પર જાઓ.

સ્ટેપ 2. અહીં તમે ઓપ્શન લિસ્ટમાંથી કિસાન ક્રેડિટ કાર્ડ પસંદ કરો.

સ્ટેપ 3. હવે અરજી પર ક્લિક કરવાથી વેબસાઇટ તમને એપ્લિકેશન પેજ પર લઈ જશે.

સ્ટેપ 4. જરૂરી વિગતો સાથે ફોર્મ ભરો અને સબમિટ પર ક્લિક કરો.