Housing Finance Stocks: વૈશ્વિક બ્રોકરેજ ફર્મ JP Morganએ ભારતના હાઉસિંગ ફાઇનાન્સ સેક્ટરમાં મોટી એન્ટ્રી કરી છે. ફર્મે એકસાથે ત્રણ મોટી કંપનીઓ - LIC Housing Finance, PNB Housing Finance અને Bajaj Housing Finance પર કવરેજ શરૂ કર્યું છે. જોકે ત્રણેય માટે તેનો વ્યૂ એકસરખો નથી.
JP Morgan: 3 હાઉસિંગ ફાઇનાન્સ શેર પર કવરેજ શરૂ, PNB ને Overweight તો Bajaj ને આપ્યું Underweight
JP Morganએ LIC Housing, PNB Housing અને Bajaj Housing Finance પર કવરેજ શરૂ કર્યું. જાણો કયા શેરને Overweight, કોને Underweight રેટિંગ મળ્યું અને ત્રણેયના નવા ટાર્ગેટ પ્રાઇસ.
MoneyControl Newsઅપડેટેડ Apr 13, 2026 પર 11:51 AM
આજે ઈરાન-અમેરિકા વચ્ચેની વાતચીત નિષ્ફળ જતાં ગ્લોબલ માર્કેટમાં વેચવાલી છે, તેની અસર આ શેરો પર પણ દેખાઈ. BSE પર આજે LIC Housing Finance લગભગ 1.94% ઘટીને 521, Bajaj Housing Finance 0.98% ઘટીને 85.10 અને PNB Housing Finance 1.03% ઘટીને 855.70 પર ટ્રેડ કરી રહ્યા હતા.
ત્રણેય શેર માટે JP Morganના ટાર્ગેટ શું છે?
PNB Housing Finance: રેટિંગ - Overweight, ટાર્ગેટ પ્રાઇસ - 1,000
Bajaj Housing Finance: રેટિંગ - Underweight, ટાર્ગેટ પ્રાઇસ - 70 (આ તેનો IPO ઇશ્યૂ પ્રાઇસ છે)
LIC Housing Finance: રેટિંગ - Neutral, ટાર્ગેટ પ્રાઇસ - 580
બજારના બાકી એનાલિસ્ટ્સની વાત કરીએ તો, PNB Housingને કવર કરતા 12 એનાલિસ્ટ્સે Buy અને 2 એ Hold કહ્યું છે, Sell કોઈનું નથી. Bajaj Housing માટે 6 એ Buy, 4 એ Hold અને 4 એ Sell રેટિંગ આપ્યું છે. જ્યારે LIC Housing માટે 14 એ Buy, 13 એ Hold અને 4 એનાલિસ્ટ્સે Sell ની સલાહ આપી છે.
બ્રોકરેજનો મત અલગ-અલગ કેમ છે?
JP Morganના રિપોર્ટ મુજબ, આગામી 3થી 5 વર્ષમાં સિસ્ટમ મોર્ગેજ ગ્રોથ 8%થી 10% રહી શકે છે. છેલ્લા 3 વર્ષમાં આ ગ્રોથ 11% હતો, જે ફેબ્રુઆરી 2026 માં ઘટીને 9% થઈ ગયો છે. તેનું મોટું કારણ ઘરોના વેચાણમાં આવેલી 6.4%નો ઘટાડો છે.
બ્રોકરેજનું માનવું છે કે PSU બેંકો જેમની પાસે સસ્તી ડિપોઝિટ છે, તેમનું પ્રાઇમ હોમ લોન સેગમેન્ટમાં વર્ચસ્વ વધી રહ્યું છે. આ કોમ્પિટિશનના કારણે પ્રોફિટેબિલિટી હવે પીક પર પહોંચી ગઈ છે. એટલે હાઉસિંગ ફાઇનાન્સ કંપનીઓને હવે વધુ યીલ્ડ વાળા સેગમેન્ટમાં જવું પડશે.
આ જ કારણથી JP Morgan એ એવી કંપનીઓ પસંદ કરી છે જેની અન્ડરરાઇટિંગ મજબૂત હોય અને ડિસ્ટ્રિબ્યુશન કોસ્ટ ઓછી હોય.
Bajaj Housing Finance અન્ડરરાઇટિંગ અને કોસ્ટમાં સૌથી આગળ છે, પણ તેનું વેલ્યુએશન ઘણું મોંઘું છે. સમાન નફાવાળી કંપનીઓ કરતાં તે 233% પ્રાઇસ-ટુ-બુક અને 225% પ્રાઇસ-ટુ-અર્નિંગના પ્રીમિયમ પર છે, જે ટકાઉ નથી લાગતું. એટલે Underweight.
PNB Housing Finance હજુ ટર્નઅરાઉન્ડના શરૂઆતના તબક્કામાં છે. હાલના વેલ્યુએશન પર તેમાં સારી ગ્રોથની તક દેખાય છે. એટલે Overweight.
LIC Housing Financeનો માર્કેટ શેર હજુ પણ ઘટી શકે છે અને નજીકમાં કોઈ મોટું ટ્રિગર નથી. જોકે શેરનું વેલ્યુએશન સસ્તું હોવાથી તેમાં મોટી ઘટાડાની શક્યતા ઓછી છે. એટલે Neutral.
ટૂંકમાં, JP Morganને સેક્ટરમાં સિલેક્ટિવ રહેવું ગમશે. મોંઘા વેલ્યુએશનવાળા Bajaj પર સાવધાની, જ્યારે રિકવરી સ્ટોરીવાળા PNB Housing પર તેજીનો દાવ લગાવ્યો છે.
ડિસ્ક્લેમર: Moneycontrol.com પર વ્યક્ત કરાયેલા મંતવ્યો નિષ્ણાતોના અંગત મંતવ્યો છે. આ માટે વેબસાઇટ અથવા મેનેજમેન્ટ જવાબદાર નથી. મની કંટ્રોલ યુઝર્સને કોઈપણ રોકાણ નિર્ણય લેતા પહેલા પ્રમાણિત નિષ્ણાતની સલાહ લેવાની સલાહ આપે છે.
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.