Budget 2024: રેલવે આ બજેટમાં નિર્મલા સીતારમણથી 3 લાખ કરોડ રૂપિયાની મળી શકે છે ભેટ

1 ફેબ્રુઆરી, 2024એ રજૂ થનારા વચગાળાના બજેટ (Budget 2024)માં સરકારનું રેલવે પર ખાસ ફોકસ રહેશે. સરકાર દ્વારા બજેટમાં રેલવે માટે કુલ ફાળવણી વધારીને 3 લાખ કરોડ રૂપિયા સુધી કરવામાં આવી શકે છે. આ સિવાય રેલવે માટે ઘણી મોટી જાહેરાતો શક્ય છે.

ઈલેક્ટ્રિફિકેશન અને ડબલિંગ પર સરકારનો વિશેષ ભાર હોઈ શકે છે. લગભગ 50 હજાર કરોડ રૂપિયાની ફાળવણી શક્ય છે. નવા હાઇ સ્પીડ રેલવે કૉરિડોર (Railway Corridor)ની જાહેરાત શક્ય છે.

વંદે ભારત એક્સપ્રેસ ટ્રેન (Vande Bharat Train)ના સફળ રોલ આઉટ પર પણ બજેટ પર કેટલીક જાહેરાત થઈ શકે છે. સરકારનું લક્ષ્ય આગામી ત્રણ વર્ષમાં 400 વંદે ભારત હોઈ શકે છે. રેલવે સ્ટેશનોની આસપાસ સોલાર પેનલ લગાવવા માટે ખાનગી ભાગીદારી વધશે.

ઑનબોર્ડ Wifi, બહેતર ખાણી-પીણીમાં પ્રાઈવેટ રોકાણને પ્રોત્સાહિત કરી શકાય છે અને પીપીપ મૉડલ દ્વારા NFR (Non Fare Revenue) વધારવાના પ્રયાસો પણ કરી શકાય છે.