Budget 2025: સિમેન્ટ પર GST 28%થી ઘટાડીને 18% કરવાની માંગ, ઉદ્યોગને આનો થશે ફાયદો

Budget 2025: સામાન્ય બજેટની તૈયારીઓ તેજ ગતિએ ચાલી રહી છે. નાણામંત્રી નિર્મલા સીતારમણ 1 ફેબ્રુઆરીએ સામાન્ય બજેટ રજૂ કરશે. આ વખતે બજેટને લઈને દરેકને ઘણી અપેક્ષાઓ છે. હવે સિમેન્ટ ઉદ્યોગે નાણામંત્રી પાસે બજેટમાં GST ઘટાડવાની માંગ કરી છે. આ માંગણી કરતા જેકે લક્ષ્મી સિમેન્ટના ચેરમેન અને ડાયરેક્ટર અરુણ શુક્લાએ જણાવ્યું હતું કે સરકારે સિમેન્ટ પર ગુડ્સ એન્ડ સર્વિસ ટેક્સ (GST)નો દર 28 ટકાથી ઘટાડીને 18 ટકા કરવો જોઈએ અને આગામી બજેટમાં તેને વધારવા માટે કેટલાક નીતિગત પગલાં લેવા જોઈએ. તેમણે કહ્યું હતું કે ભારતમાં વધતી માંગને પહોંચી વળવા માટે સિમેન્ટ ઉત્પાદન ક્ષમતા વધારવાની જરૂર છે. તેમાં સરેરાશ વાર્ષિક 7-8 ટકાના દરે વૃદ્ધિ થવાની ધારણા છે.

હાલમાં સિમેન્ટ પર 28 ટકા GST વસૂલાય છે

બજેટમાંથી ઉદ્યોગોની અપેક્ષાઓ અંગેના પ્રશ્નના જવાબમાં તેમણે કહ્યું કે ભારતમાં સિમેન્ટ પર સૌથી વધુ 28 ટકા GST છે અને તેને ઘટાડીને 18 ટકા કરવાની જરૂર છે. શુક્લાએ જણાવ્યું હતું કે સિમેન્ટ એ અર્થતંત્રમાં વૃદ્ધિ માટેના મુખ્ય ઘટકોમાંનું એક છે. ભારતીય અર્થવ્યવસ્થાના વિકાસને ટેકો આપી શકે તેવા વિશ્વસ્તરીય ઈન્ફ્રાસ્ટ્રક્ચર બનાવવા માટે સિમેન્ટની જરૂર છે. તેમણે ભારતમાં સિમેન્ટનો વપરાશ વધારવાની જરૂરિયાત પર પણ ભાર મૂક્યો હતો. શુક્લાએ જણાવ્યું હતું કે સિમેન્ટ કોંક્રીટના રસ્તા લાંબા સમય સુધી ચાલે છે અને લાંબા ગાળે ડામરના રસ્તાઓ કરતાં વધુ આર્થિક છે.

ગ્રુપ બિહારમાં રુપિયા 500 કરોડનું કરી રહ્યું છે રોકાણ