Economic Survey: અગ્રી સેક્ટરમાં રહ્યું સારૂ પ્રદર્શન, સર્વેમાં પડકારની વચ્ચે પણ સ્થિરતા

Economic Survey: બજેટ પહેલાં સરકારે આર્થિક સર્વે રજૂ કર્યો છે. આમાં સરકારે છેલ્લા એક વર્ષના અર્થતંત્રનું ચિત્ર રજૂ કર્યું છે. સર્વેમાં જણાવાયું છે કે દેશના કૃષિ ક્ષેત્રે તાજેતરના વર્ષોમાં શાનદાર પ્રદર્શન કર્યું છે અને પડકારો વચ્ચે પણ સ્થિરતા નોંધાવી છે. સર્વે મુજબ, પાકમાં વૈવિધ્યકરણ, ઉત્પાદન વધારવા અને ખેડૂતોની આવક વધારવા પર કેન્દ્રિત સરકારની યોજનાઓએ કૃષિ ક્ષેત્રના આ પ્રદર્શનમાં મહત્વપૂર્ણ ભૂમિકા ભજવી હતી.

સર્વેમાં કહેવામાં આવ્યું છે કે કૃષિ ક્ષેત્ર માટે આબોહવા પરિવર્તન સૌથી મોટો પડકાર સાબિત થઈ રહ્યું છે. આ સ્થિતિમાં, જે ખેડૂતો આવકના વિવિધ સ્ત્રોતો પર ધ્યાન કેન્દ્રિત કરે છે તેઓ વધુ સારી સ્થિતિમાં છે. સર્વેમાં કહેવામાં આવ્યું છે કે પશુપાલન, મત્સ્યઉદ્યોગ જેવા આવકના અન્ય સ્ત્રોત ખેડૂતોને હવામાન દ્વારા ઉભા થતા પડકારોનો સામનો કરવામાં મદદ કરી શકે છે.

સર્વે મુજબ, નાણાકીય વર્ષ 2017 અને નાણાકીય વર્ષ 2023 વચ્ચે, ભારતના એગ્રી સેક્ટર વાર્ષિક સરેરાશ 5 ટકાની સાથે જબરદસ્ત ગ્રોથ નોંધાવ્યો છે. આ પડકારો વચ્ચે સેક્ટરમાં શક્તિ દર્શાવે છે. જ્યારે નાણાકીય વર્ષ 2025 ના બીજા ક્વાર્ટરમાં એગ્રી સેક્ટર 3.5 ટકાનો વિકાસદર નોંધાવ્યો છે. પાછલા 4 ક્વાર્ટરમાં, ગ્રોથ દર 0.4 ટકાથી 2 ટકાની વચ્ચે હતો, જે આ સેક્ટરમાં રિકવરી દર્શાવે છે. ગ્રોથમાં આ સુધારો થવાનું મુખ્ય કારણ સકારાત્મક હવામાન પરિસ્થિતિઓ છે. એગ્રી સેક્ટરનું આધુનિકીકરણ, અને ઉત્પાદકતા વધારવા માટે સરકાર દ્વારા લેવામાં આવેલા પગલાં હતા.

હવામાન ઉપરાંત, સર્વેમાં તેલીબિયાંના ધીમા વિકાસ અંગે પણ ચિંતા વ્યક્ત કરવામાં આવી છે. સર્વેમાં જણાવાયું છે કે ખાદ્ય તેલની આયાત પર ભારતની નિર્ભરતા ખૂબ ઊંચી હોવાથી, તેલીબિયાંમાં 1.9 ટકાનો મર્યાદિત વિકાસ ચિંતાનો વિષય છે. આ ઉપરાંત, પાકની ઉત્પાદકતા પર પણ ચર્ચા કરવામાં આવી છે. સર્વેમાં જણાવાયું છે કે કઠોળ, ડાંગર, મકાઈ, સોયાબીનની ઉત્પાદકતા વિશ્વની તુલનામાં ઘણી ઓછી છે.