Maharashtra Budget 2024: મહિલાઓને દર મહિને મળશે 1500 રૂપિયા, ‘મુખ્યમંત્રી માઝી લાડકી બહિન' યોજનાની જાહેરાત

Maharashtra Budget: મહારાષ્ટ્ર સરકારે રાજ્યના બજેટમાં મહિલાઓ માટે નાણાકીય સહાય યોજનાની જાહેરાત કરી છે. અજિત પવાર, જેઓ મહારાષ્ટ્રના નાયબ મુખ્ય પ્રધાન તેમજ નાણાં પ્રધાન પણ છે, તેમણે 28 જૂને નાણાકીય વર્ષ 2024-25 માટે મહારાષ્ટ્રનું બજેટ રજૂ કર્યું હતું. જેમાં અન્ય જાહેરાતો સાથે ‘મુખ્યમંત્રી માઝી લાડકી બહિન' યોજનાની પણ જાહેરાત કરવામાં આવી હતી. યોજના હેઠળ 21-60 વર્ષની વયની મહિલાઓને દર મહિને 1500 રૂપિયાની આર્થિક સહાય આપવામાં આવશે.

આ યોજના જુલાઈ 2024 થી લાગુ કરવામાં આવશે. આ યોજનાનું બજેટ 46000 કરોડ રૂપિયા હશે. મહારાષ્ટ્રના બજેટમાં મહિલાઓને ધ્યાનમાં રાખીને કેટલીક અન્ય જાહેરાતો પણ કરવામાં આવી હતી. મહિલાઓ માટે 'પિંક ઈ-રિક્ષા' યોજનાની પણ જાહેરાત કરવામાં આવી છે. આ યોજના હેઠળ 17 શહેરોની 10,000 મહિલાઓને રિક્ષા ખરીદવા માટે આર્થિક સહાય આપવામાં આવશે. આ માટે બજેટમાં 80 કરોડ રૂપિયાની ફાળવણી કરવામાં આવશે.

શુભમંગલ વિવાહ યોજનાની રકમ વધી

આ સિવાય મહારાષ્ટ્ર સરકારે મહિલાઓ માટે શુભમંગલ માસ રજિસ્ટ્રેશન મેરેજ સ્કીમની રકમમાં પણ વધારો કર્યો છે. પહેલા લાભાર્થી મહિલાઓને 10,000 રૂપિયા મળતા હતા, હવે તેમને 25,000 રૂપિયા મળશે. મહારાષ્ટ્ર સરકારનો આ વર્ષે 25 લાખ મહિલાઓને કરોડપતિ બનાવવાનું લક્ષ્ય છે.

મુખ્યમંત્રી અન્નપૂર્ણા યોજના

બજેટ રજૂ કરતી વખતે, પવારે અન્ય ઘણી જાહેરાતો પણ કરી હતી, જેમાંથી એક 'મુખ્યમંત્રી અન્નપૂર્ણા' યોજના છે. આ યોજના હેઠળ, 5 સભ્યોના પરિવારને વાર્ષિક 3 મફત ગેસ સિલિન્ડર મળશે. રાજ્યના 44 લાખ ખેડૂતોના વીજ બિલના લેણાં માફ કરવાની પણ જાહેરાત કરવામાં આવી છે. મહારાષ્ટ્રમાં આ વર્ષે ઓક્ટોબરમાં ચૂંટણી યોજાવા જઈ રહી છે.

આ પણ વાંચો - આ ફૂડ લીવરના પાક્કા મિત્ર છે, ફેટી લીવર, SGPT અને GGPT સરળતાથી થઈ જશે કંટ્રોલ