2027 સુધીમાં દેશમાં 24 લાખ બ્લુ કોલર નોકરીઓનું થશે સર્જન, આ ક્ષેત્રમાં હશે સૌથી વધુ તકો

'ક્વીક કોમર્સ'ના ઝડપી વિકાસ સાથે, શારીરિક શ્રમ કરતા કુશળ અને અર્ધ-કુશળ (બ્લુ-કોલર) મજૂરોની જરૂરિયાતમાં નોંધપાત્ર વધારો થવાની અપેક્ષા છે. એક સર્વેમાં આ વાત સામે આવી છે. જોબ પ્લેટફોર્મ 'ઇન્ડીડ' મુજબ, 2027 સુધીમાં ભારતમાં 24 લાખ નોકરીઓનું સર્જન થશે. ઈન્ડીડ ઈન્ડિયાના સેલ્સ હેડ શશી કુમારે જણાવ્યું હતું કે ક્વિક કોમર્સ કંપનીઓએ છેલ્લા ક્વાર્ટરમાં તહેવારોની ખરીદી અને ઈ-કોમર્સની વધતી માંગને પહોંચી વળવા માટે 40,000 થી વધુ કર્મચારીઓને નોકરી પર રાખ્યા હતા.

ઝડપથી વિકસી રહી છે ક્વીક કોમર્સ ઈન્ડસ્ટ્રી

"ભારતમાં ક્વીક કોમર્સ ઈન્ડસ્ટ્રી ઝડપી વિકાસના માર્ગે છે અને આ માંગને પહોંચી વળવા માટે અમે બ્લુ-કોલર કામદારોની ભરતીમાં નોંધપાત્ર પરિવર્તન જોઈ રહ્યા છીએ," તેમણે પીટીઆઈને જણાવ્યું. "જેમ જેમ ઉદ્યોગનો વિસ્તાર થાય છે, તેમ તેમ કુશળ અને અર્ધ -કુશળ કામદારો વધી રહ્યા છે, જેના કારણે ભરતી વધુ સ્પર્ધાત્મક બની રહી છે,” કુમારે જણાવ્યું. નોકરીદાતાઓ વધુને વધુ પ્રતિભાશાળી લોકોની શોધમાં છે જેઓ ઝડપી ગતિવાળા, ટેકનોલોજી-સંચાલિત વાતાવરણમાં અનુકૂલન સાધી શકે."

બ્લુ કોલર જોબ્સ શું છે?