MSMEને હવે મળશે સરળ લોન: એમ્બિટ ફિનવેસ્ટ અને DCB બેંક વચ્ચે પાર્ટનરશિપ

ભારતના સૂક્ષ્મ, લઘુ અને મધ્યમ ઉદ્યોગો માટે લોન મેળવવી હવે વધુ સરળ બનશે. એમ્બિટ ગ્રુપની નોન-બેંકિંગ ફાઇનાન્સિયલ કંપની શાખા, એમ્બિટ ફિનવેસ્ટ એ જાહેરાત કરી છે કે તેણે ડીસીબી બેંક સાથે MSMEને લોન આપવા માટે એક મહત્ત્વપૂર્ણ પાર્ટનરશિપ કરી છે. આ સહયોગથી MSME સેક્ટરને ફાઇનાન્સિયલ સપોર્ટ પૂરો પાડવામાં મદદ મળશે.

પાર્ટનરશિપની વિગતો

પીટીઆઈના અહેવાલ મુજબ, ડીસીબી બેંક સાથેની આ પાર્ટનરશિપ એમ્બિટ ફિનવેસ્ટ માટે ચોથું કો-લેન્ડિંગ એલાયન્સ છે. અગાઉ, એમ્બિટ ફિનવેસ્ટ યુનિયન બેંક ઓફ ઈન્ડિયા , સિડબી અને સેન્ટ્રલ બેંક ઓફ ઈન્ડિયા સાથે પણ આવી જ પાર્ટનરશિપ કરી ચૂક્યું છે.

આ વ્યવસ્થા ભારતીય રિઝર્વ બેંકના કો-લેન્ડિંગ ફ્રેમવર્ક અનુસાર છે. આ ફ્રેમવર્કનો મુખ્ય ઉદ્દેશ્ય પ્રાયોરિટી સેક્ટરમાં લોનના પ્રવાહને વેગ આપવા માટે બેંકો અને NBFCsની સંયુક્ત શક્તિઓનો લાભ ઉઠાવવાનો છે. આ સ્ટ્રેટેજિક એલાયન્સ એમ્બિટ ફિનવેસ્ટને ડીસીબી બેંકની મજબૂત બેલેન્સ શીટનો લાભ ઉઠાવીને વધુ કોમ્પિટિટિવ અને મિક્સડ ઇન્ટરેસ્ટ રેટ્સ પર સિક્યોર્ડ બિઝનેસ લોન પ્રોવાઈડ કરવા સક્ષમ બનાવશે.

લોન મેળવવામાં પડતી ચેલેન્જીસ થશે ઓછી

એમ્બિટ ફિનવેસ્ટના ચીફ એક્ઝિક્યુટિવ ઓફિસર સંજય અગ્રવાલ એ જણાવ્યું હતું કે, "આ પાર્ટનરશિપ દ્વારા, અમારો ઉદ્દેશ્ય MSMEના વ્યાપક ક્ષેત્ર સુધી પહોંચવાનો છે, જેમાંથી ઘણાને પૂરતી લોન મેળવવામાં પડકારનો સામનો કરવો પડે છે." આ પહેલથી MSMEને તેમના બિઝનેસના વિકાસ માટે જરૂરી ફંડિંગ સરળતાથી ઉપલબ્ધ થશે.

MSME લોન કોને મળે છે?