સામાન્ય માણસનું ટેન્શન વધારતા સમાચાર - મોંઘો થવા જઈ રહ્યો વીમો

સીએનબીસી-TV18 દ્વારા સૂત્રો પાસેથી મળેલી માહિતી અનુસાર, જીવન વીમા કંપનીઓ તેમના ટર્મ પોર્ટફોલિયોના ભાવમાં વધારો કરે તેવી શક્યતા છે. આઈસીઆઈસીઆઈ પ્રૂ લાઈફ, ટાટા એઆઈએ લાઈફ, બજાજ એલિયાઝ દ્વારા ભાવમાં વધારો થવાની શક્યતા છે. એચડીએફસી લાઇફ 5-7.5% ની વચ્ચે ભાવ વધારો કરે તેવી શક્યતા છે. એસબીઆઈ લાઇફે તેના ટર્મ પોર્ટફોલિયોમાં કોઈ વધારો કર્યો નથી. સીએનબીસી-TV18 એ ટિપ્પણી માટે આઈસીઆઈસીઆઈ પ્રૂ ને પત્ર લખ્યો છે, જવાબની રાહ જોવાઈ રહી છે.

તમને જણાવી દઈએ કે દેશની ત્રીજી સૌથી મોટી જીવન વીમા કંપની અને બીજી સૌથી મોટી ખાનગી જીવન વીમા કંપની એચડીએફસી લાઈફ ઈન્સ્યોરન્સે જુલાઈ 2024માં પ્રીમિયમ વધાર્યું હતું. ટર્મ ઇન્શ્યોરન્સ પોલિસી માટે પ્રીમિયમમાં આ વધારો 10% હતો.

અહીં પણ રહેશે નજર

GST કાઉન્સિલની બેઠક 21 ડિસેમ્બરે જેસલમેરમાં યોજાશે જેમાં જીવન અને સ્વાસ્થ્ય વીમા પ્રિમિયમ પર GSTના પ્રસ્તાવ પર ચર્ચા કરવામાં આવશે.