શેરબજારના રોકાણકારો ખુશ થાય તેવા સમાચાર! 2025ના અંત સુધીમાં નિફ્ટી જાણો ક્યાં પહોંચશે?

શેરબજારના રોકાણકારો નિરાશ થયા છે. તેનું કારણ શેરબજારની ધીમી ગતિ છે, જેના કારણે રોકાણકારોને અપેક્ષા મુજબનું વળતર નથી મળી રહ્યું. શેરબજારના રોકાણકારો માટે 2024 સારું રહ્યું નથી. સોના અને ચાંદીએ ગયા વર્ષે સેન્સેક્સ અને નિફ્ટી કરતાં ઘણું ઊંચું વળતર આપ્યું હતું. આ વર્ષે પણ બજાર હજુ ઉતાર-ચઢાવમાંથી પસાર થઈ રહ્યું છે. જોકે હવે સારા સમાચાર આવ્યા છે. બ્રોકરેજ ફર્મ સિટીગ્રુપના અહેવાલમાં જણાવવામાં આવ્યું છે કે, આર્થિક વૃદ્ધિ તેમજ મજબૂત કોર્પોરેટ અર્નિંગમાં સુધારો થવાને કારણે આ વર્ષે સતત 10મા વર્ષે ભારતના $5 ટ્રિલિયન શેરબજારમાં વધારો થવાની ધારણા છે. ચાલો જાણીએ કે સિટીગ્રુપે આ વર્ષ માટે નિફ્ટી માટે શું લક્ષ્ય નક્કી કર્યું છે?

નિફ્ટી 26,000ની સપાટીએ પહોંચશે

સિટીગ્રુપને અપેક્ષા છે કે ભારતનું $5 ટ્રિલિયન શેર બજાર 2025માં સતત 10મા વર્ષે વૃદ્ધિ પામશે. બ્રોકરેજ ફર્મે આ વર્ષના અંત સુધીમાં બેન્ચમાર્ક NSE નિફ્ટી 50 ઇન્ડેક્સ માટે 26,000નું લક્ષ્ય નક્કી કર્યું છે, જેનો અર્થ છે કે ભારતીય બજાર 31 ડિસેમ્બર સુધી ઓછામાં ઓછું 10% વળતર આપશે. 2024માં વોલ સ્ટ્રીટ બેન્કના 22,500ની આગાહી કરતા ગેજ લગભગ 5% ઉપર રહ્યો.

બજારમાં રિટેલ રોકાણકારોનું રેકોર્ડબ્રેક ઇન્વેસ્ટ