Sterlite Tech Share Price: 960 કરોડના જંગી કોન્ટ્રાક્ટથી શેરમાં 5% ની અપર સર્કિટ, 3 મહિનામાં જ રોકાણકારોના પૈસા કર્યા ડબલ

Sterlite Tech Share Price: શેરબજારમાં રોકાણકારોને માલામાલ કરનાર ઓપ્ટિકલ કનેક્ટિવિટી સોલ્યુશન્સ આપતી કંપની Sterlite Techના શેરમાં જબરદસ્ત તેજી જોવા મળી છે. 960 કરોડ રૂપિયાના એક મોટા કોન્ટ્રાક્ટના સમાચાર આવતા જ સોમવારે 3 ઓગસ્ટના રોજ આ શેર 5 ટકા ઉછળીને 584.30 રૂપિયાના સ્તરે પહોંચી ગયો હતો. શેરમાં સતત ત્રીજા દિવસે તેજી જોવા મળી છે અને સળંગ બીજા દિવસે અપર સર્કિટ લાગી છે.

શું છે 960 કરોડ રૂપિયાની ડીલ?

કંપનીએ શનિવારે 1 ઓગસ્ટના રોજ શેરબજારોને સત્તાવાર રીતે જાણ કરી હતી કે તેમને એક સ્થાનિક ટેલિકોમ ઓપરેટર તરફથી 960 કરોડ રૂપિયાનો મોટો ઓર્ડર મળ્યો છે. આ એક મલ્ટી-ઈયર સપ્લાય એગ્રીમેન્ટ છે, જેમાં ગ્રાહકની જરૂરિયાત મુજબ ખાસ ઓપ્ટિકલ ફાઈબર કેબલ પૂરા પાડવામાં આવશે. આ કોન્ટ્રાક્ટનો સમયગાળો હાલ 2 વર્ષ માટે નક્કી કરાયો છે, પરંતુ બંને પક્ષોની પરસ્પર સંમતિથી તેને વધુ 2 વર્ષ માટે લંબાવી શકાશે. કંપનીએ સ્પષ્ટ કર્યું છે કે આ ડીલ કોઈ 'રિલેટેડ પાર્ટી ટ્રાન્ઝેક્શન' હેઠળ આવતી નથી.

કંપનીનો બિઝનેસ અને અનુભવ

તમને જણાવી દઈએ કે Sterlite Tech ને ઓપ્ટિકલ કનેક્ટિવિટી પ્રોડક્ટ્સ બનાવવામાં 30 વર્ષથી વધુનો બહોળો અનુભવ છે. આ કંપની ભવિષ્યને ધ્યાનમાં રાખીને AI-રેડી ઇન્ફ્રાસ્ટ્રક્ચર, FTTx, રૂરલ કનેક્ટિવિટી, એન્ટરપ્રાઇઝ અને ડેટા સેન્ટર નેટવર્ક્સ માટે શાનદાર એન્ડ-ટુ-એન્ડ સોલ્યુશન્સ પૂરા પાડે છે.

રોકાણકારો માટે સાબિત થયો મલ્ટીબેગર શેર

આ શેર રોકાણકારો માટે કમાણીનું મશીન સાબિત થયો છે. માત્ર 3 મહિનાના ટૂંકા ગાળામાં જ તેણે રોકાણકારોની સંપત્તિ લગભગ બમણી કરી દીધી છે. વર્ષ 2026માં અત્યાર સુધીમાં આ શેરમાં 470 ટકાનો જંગી ઉછાળો આવી ચૂક્યો છે.