કોમોડિટી લાઇવ: ક્રૂડમાં ઉપલા સ્તરેથી ઘટાડો, મેટલમાં આજે સામાન્ય મજબૂતી

સોનામાં ગયા સપ્તાહે આવેલા 5.5 ટકાના ઉછાળા બાદ આજે ઉપલા સ્તરેથી વેચવાલી આવતી જોવા મળી છે. કોમેક્સ પર ભાવ 2700ની નીચે છે. બીજી તરફ mcx પર પણ આજે સવા એક ટકાનો ઘટાડો છે. ઉલ્લેખનીય છે કે 2700નું સ્તર પાર કર્યા બાદ ફરી એકવાર પુલબેક જોવા મળ્યું છે. ગયા સપ્તાહે સોનામાં 5.5%નો ઉછાળો આવ્યો. બે વર્ષમાં સૌથી સારો સાપ્તાહિક ઉછાળો આવ્યો.

સોનામાં ઉછાળાના કારણો

વૈશ્વિક સેન્ટ્રલ બેન્ક તરફથી ખરીદદારી આવી. રશિયા- યુક્રેન તણાવ વધવાથી સેફ હેવન ખરીદી. 15 સપ્તાહના નીચલી નેટ લોન્ગ પોઝિશન હતી ત્યાંથી હેજ ફંડની ખરીદી. ડોલર ઈન્ડેક્સ 1 વર્ષના ઉપલા સ્તરેથી ઘટ્યો. ગ્લોબલ ETFની ખરીદદારી છઠ્ઠા મહિને વધી, ઓક્ટોબરમાં 3244 ટન છે. વૈશ્વિક ગોલ્ડ ETF ઈનફ્લો 2024માં $4.7 બિલિયન, AUM 33% વધ્યું. 2024માં ભારતની સોનાની આયાત 700-900 ટન રહેવાની આશા છે.

ચાંદીમાં પણ આજે દબાણ છે. ચાંદીમાં પણ 32 ડોલરના સ્તર પાસે પહોંચ્યા બાદ આજે દબાણ આવતું જોવા મળી રહ્યું છે. જોકે ભાવ હજુ પણ 31 ડોલરના સ્તરની ઉપર જ છે. mcx પર ભાવ 90000 હજારની નીચે આવ્યા છે. ચાંદીના ભાવ $31/ઔંસ ઉપર યથાવત્ છે. ડિસેમ્બરમાં US ફેડના વ્યાજદર કાપને માર્કેટ 60% પચાવી લીધું.