કોમોડિટી લાઇવ: સોના-ચાંદીમાં નરમાશ વધી, પ્રતિબંધ ચાલુ રહેશે તો બંધ રહેશે હોર્મુઝ

શરૂઆતી કારોબારમાં ડૉલર સામે રૂપિયો 9 પૈસા નબળો થઈ 95.74 પ્રતિ ડૉલરની સામે 95.83 પ્રતિ ડૉલર પર ખૂલ્યો, જોકે ત્યાર બાદ રૂપિયાના સ્તરની આસપાસ કારોબાર જોવા મળી રહ્યો છે.

ક્રૂડ ઓઈલમાં ફરી નીચલા સ્તરેથી સારી રિકવરી આવતા બ્રેન્ટના ભાવ 101 ડૉલરને પાર પહોંચતા દેખાયા, જ્યારે NYMEX ક્રૂડમાં પણ ખરીદદારી જોવા મળી હતી. ઉલ્લેખનિય છે કે, US-ઈરાન વચ્ચે વાતચીતને લઈ અનિશ્ચિતતાએ કિંમતોમાં ફરી ઉછાળો જોવા મળ્યો હતો. ઈરાનના રાષ્ટ્રપતિએ કહ્યું કે, તેહરાન ધમકીઓ સામે ઝૂકશે નહીં કે આર્થિક વિકાસ માટે પરમાણુ ટેક્નોલોજીના પોતાના અધિકારને જતું કરશે નહીં, સાથે જ જ્યાં સુધી અમેરિકાના પ્રતિબંધો અને નાકાબંધી ચાલુ રહેશે ત્યાં સુધી હોર્મુઝ ખોલવા પર તેઓ વિચાર નહીં કરે.

શરૂઆતી કારોબારમાં સ્થાનિક બજારમાં નેચરલ ગેસની કિંમતો દોઢ ટકાથી વધુ વધીને 292ના સ્તરની પાસે પહોંચતી દેખાઈ હતી.

ડૉલર ઈન્ડેક્સ, ક્રૂડ ઓઈલ અને બૉન્ડ યીલ્ડમાં આવેલી ખરીદદારીના કારણે સોનાની ચમક ફરી ઘટી, જ્યાં સ્થાનિક બજારમાં ભાવ 1 લાખ 51 હજારની પાસે પહોંચ્યા, તો COMEX પર 4300 ડૉલરની નીચે કારોબાર જોવા મળ્યો હતો.