ક્રૂડ ઓઈલના ભાવ ભડકે બળ્યા: ભારતનું આયાત બિલ 48% વધીને 75 અબજ ડોલર પર પહોંચ્યું, જાણો અર્થતંત્ર પર શું થશે અસર?

Crude oil import bill India: પશ્ચિમ એશિયામાં સતત વકરી રહેલા યુદ્ધની સીધી અને ગંભીર અસર ભારતના અર્થતંત્ર પર પડી રહી છે. આંતરરાષ્ટ્રીય બજારમાં ક્રૂડ ઓઈલના ભાવ 100 ડોલરની પાર પહોંચી જતા ભારત માટે તેલ ખરીદવું ખૂબ જ મોંઘુ સાબિત થઈ રહ્યું છે. નવા આંકડાઓ મુજબ, ઊંચા ભાવને કારણે ભારતનું ક્રૂડ ઓઈલ આયાત બિલ ધરખમ રીતે વધ્યું છે.

જથ્થો સરખો, પણ બિલમાં 48%નો ઉછાળો

પેટ્રોલિયમ પ્લાનિંગ અને એનાલિસિસ સેલના અહેવાલ મુજબ, ચાલુ નાણાકીય વર્ષના એપ્રિલથી ઓગસ્ટ મહિનાના સમયગાળા દરમિયાન ભારતનું ક્રૂડ ઓઈલ આયાત બિલ વાર્ષિક ધોરણે 48% વધીને 75 અબજ ડોલર પર પહોંચી ગયું છે. આશ્ચર્યની વાત એ છે કે, ભારતે તેલની ખરીદી વધારી નથી. ગયા વર્ષે એપ્રિલથી ઓગસ્ટ દરમિયાન ભારતે 10.11 કરોડ ટન ક્રૂડ ઓઈલની આયાત કરી હતી, જ્યારે આ વર્ષે સમાન સમયગાળામાં 10.07 કરોડ ટન તેલ ખરીદવામાં આવ્યું છે. એટલે કે આયાતનું વોલ્યુમ સ્થિર જ રહ્યું છે, પરંતુ માત્ર ભાવ વધવાને કારણે ભારતે અબજો ડોલર વધારે ચૂકવવા પડ્યા છે.

ઓગસ્ટ અને સપ્ટેમ્બરના આંકડાઓ શું કહે છે?

ઓગસ્ટ મહિનાની સ્થિતિ: માત્ર ઓગસ્ટ મહિનાની વાત કરીએ તો, તેલની આયાતનો જથ્થો 3% ઘટીને 1.90 કરોડ ટન રહ્યો હતો. આમ છતાં, આયાત બિલ 18% વધીને 11.70 અબજ ડોલર ચૂકવવું પડ્યું હતું.

સપ્ટેમ્બરમાં ભાવ વધારો: સપ્ટેમ્બર મહિનામાં ભારતની ક્રૂડ બાસ્કેટનો સરેરાશ ભાવ વધીને 113.90 ડોલર પ્રતિ બેરલ થઈ ગયો હતો. નોંધનીય છે કે ગયા વર્ષે આ જ મહિનામાં આ ભાવ માત્ર 69.61 ડોલર પ્રતિ બેરલ હતો.

ભારત માટે આ ચિંતાનો વિષય કેમ છે?