કોમોડિટી લાઈવ: સોના-ચાંદીમાં રેકોર્ડ સ્તરે કારોબાર, ક્રૂડ ઓઈલમાં નીચલા સ્તરેથી સુધારો

શરૂઆતી કારોબારમાં ડૉલર સામે રૂપિયો 4 પૈસા મજબૂત થઈ 88.77 પ્રતિ ડૉલરની સામે 88.73 પ્રતિ ડૉલર પર ખૂલ્યો, જોકે ત્યાર બાદ રૂપિયાના સ્તરની પાસે કારોબાર જોવા મળી રહ્યો છે. ઉલ્લેખનિય છે કે ડૉલર ઇન્ડેક્સ ફરી 98ના સ્તરની પાસે આવતા રૂપિયાને સપોર્ટ મળ્યો હતો.

સોનામાં રેકોર્ડ તેજીની વાત કરીએ તો COMEX પર ભાવ 3900 ડૉલરની ઉપર પહોંચ્યા. 2025માં હાલ સુધી કિંમતો આશરે 50% વધી. USમાં શટડાઉનના કારણે કિંમતોને સપોર્ટ મળ્યો. આ સપ્તાહે ફેડ અધિકારીઓના ભાષણ પર નજર રહેશે.

ચાંદીમાં કારોબારની વાત કરીએ તો વૈશ્વિક બજારમાં ભાવ વધીને 48 ડૉલરને પાર પહોંચ્યા. સ્થાનિક બજારમાં 1 લાખ 47 હજારને પાર કારોબાર જોવા મળ્યો. ઓક્ટોબરમાં US દ્વારા વ્યાજ દરમાં કાપની 100% સંભાવના છે.

કોપરમાં કારોબારની વાત કરીએ તો ફ્યૂચર્સમાં કિંમતો વધી. ફ્રીપોર્ટે તેના 2026 વેચાણ માર્ગદર્શનમાં 35% ઘટાડો કર્યો. ઓગસ્ટમાં ચિલીના કોપર ઉત્પાદનમાં વાર્ષિક ધોરણે 10%નો ઘટાડો થયો. ચીનમાં મજબૂત ગ્રીડ રોકાણ મધ્યમ ગાળાના વપરાશને ટેકો આપે છે.