કોમોડિટી લાઇવ: સોના-ચાંદીમાં વોલેટાઈલ કારોબાર, ક્રૂડ ઓઈલમાં નીચલા સ્તરેથી આવી રિકવરી

એલ્યુમિનિયમમાં કારોબાર જોઈએ તો કિંમતો ઘટીને 1 મહિનાના નીચલા સ્તરે પહોંચી. નબળી ડિમાન્ડના કારણે કિંમતો પર અસર રહેશે. ચાઈનાના મેન્યુફેક્ચરિંગ અને ઇન્ડસ્ટ્રીયલ પ્રોડક્શનના આંકડા નબળા રહેશે. USએ એલ્યુમિનિયમના ઇમ્પોર્ટ પર વધારાના ટેરિફ લગાવ્યા.

ક્રૂડ ઓઈલમાં નીચલા સ્તરેથી ફરી સુધારો આવતા બ્રેન્ટના ભાવ 65 ડૉલરની પાસે પહોંચતા દેખાયા, તો nymex ક્રૂડમાં પણ 62 ડૉલરની પાસે કારોબાર જોવા મળ્યો, અને સ્થાનિક બજારમાં પણ મામુલી ખરીદદારી રહી, ઉલ્લેખનિય છે કે હાલ સુધી ઓગસ્ટમાં કિંમતો આશરે 10 ટકા જેટલી ઘટી ચુકી છે. ક્રૂડ ઓઈલમાં કારોબારની વાત કરીએ તો ગઈકાલે કિંમતો 1 ટકા કરતા વધુ ઘટી હતી. ઓગસ્ટમાં હાલ સુધી ભાવ 10% જેટલા ઘટ્યા. કિંમતો ઘટીને આશરે 3 મહિનાના નીચલા સ્તરની પાસે પહોંચી હતી. રશિયા-યુક્રેન વચ્ચે યુદ્ધવિરામની ચર્ચા થવાની સંભાવના છે. OPEC+એ ઓઈલ આઉટપુટ વધાર્યું.

શરૂઆતી કારોબારમાં સ્થાનિક બજારમાં નેચરલ ગેસમાં મામુલી નરમાશ સાથે 240ના સ્તરની પાસે કારોબાર જોવા મળ્યો, પણ usમાં ભાવ નવેમ્બર 2024ના નીચલા સ્તરની પાસે પહોંચતા દેખાયા. જુલાઈ કરતા ઓગસ્ટમાં આઉટપુટ સ્થિતી સુધરતા કિંમતો પર અસર જોવા મળી છે.

કૉટનમાં કારોબારની વાત કરીએ ફ્યૂચર્સ ઘટીને 66 સેન્ટના નીચલા સ્તરની પાસે છે. એગ્રી કૉમોડિટીના નબળા આઉટલૂકની અસર છે. ક્રૂડ ઓઈલના ભાવ ઘટવાથી અસર છે. ભારતે કપાસ પર 11% આયાત ડ્યુટી સ્થગિત કરી.