સોના-ચાંદીને ટક્કર આપશે ‘તાંબુ’! શું હવે Copper કરાવશે મોટી કમાણી? જાણો ક્યાં અને કેવી રીતે કરવું રોકાણ

Copper Investment: છેલ્લા એક વર્ષમાં સોના અને ચાંદીએ રોકાણકારોને માલામાલ કરી દીધા છે. બંને કિંમતી ધાતુઓએ રિટર્નના તમામ રેકોર્ડ તોડ્યા છે. જોકે, હવે શેરબજારમાં જોવા મળી રહેલી સુસ્તી વચ્ચે રોકાણકારોનું ધ્યાન અન્ય કોમોડિટી તરફ વળ્યું છે. ગોલ્ડ અને સિલ્વર બાદ હવે ‘કોપર’ રોકાણકારો માટે નવો હોટ ફેવરિટ વિકલ્પ બની રહ્યો છે. બજારમાં અત્યારે સૌથી મોટો સવાલ એ છે કે શું કોપર સોના-ચાંદીની જેમ જ મોટું વળતર આપી શકશે? અને શું સામાન્ય માણસ તેમાં સીધું રોકાણ કરી શકે છે? ચાલો વિગતે સમજીએ.

સોના-ચાંદી બાદ હવે કોપરનો વારો?

એસોસિએશન ઓફ મ્યુચ્યુઅલ ફંડ્સ ઈન ઈન્ડિયા (AMFI) ના આંકડા દર્શાવે છે કે છેલ્લા થોડા સમયમાં ETF અને મ્યુચ્યુઅલ ફંડ દ્વારા સોના-ચાંદીમાં જબરદસ્ત રોકાણ આવ્યું છે. હવે જ્યારે સોનું અને ચાંદી રેકોર્ડ સ્તરે છે, ત્યારે રોકાણકારો બીજી મોટી તક શોધી રહ્યા છે. આ શોધ હવે ‘કોપર’ પર આવીને અટકી છે. ઘણા સમય સુધી બેઝ મેટલ તરીકે અવગણના પામેલું કોપર હવે રોકાણકારોના રડાર પર આવી ગયું છે.

કોપરના ભાવ રેકોર્ડ હાઈ લેવલ પર

લંડન મેટલ એક્સચેન્જ (LME) ના ડેટા મુજબ, કોપરના ભાવ માર્ચ 2022 પછીના સૌથી ઉચ્ચ સ્તરે પહોંચ્યા છે. અમેરિકન કોમોડિટી એક્સચેન્જ COMEX પર 6 જાન્યુઆરી 2026 ના રોજ કોપર $6.069 પ્રતિ પાઉન્ડના નવા રેકોર્ડ પર પહોંચ્યું હતું, જે એક વર્ષ અગાઉની સરખામણીએ લગભગ 60% નો ઉછાળો દર્શાવે છે. જોકે, 10 જાન્યુઆરીએ થોડી નરમાઈ સાથે તે $5.85 આસપાસ ટ્રેડ થઈ રહ્યું હતું.

ભારતીય બજારની વાત કરીએ તો, અહીં પણ કોપર ફ્યુચર્સે છેલ્લા એક વર્ષમાં લગભગ 36% જેટલું શાનદાર રિટર્ન આપ્યું છે. આ આંકડા સાબિત કરે છે કે કોપર અત્યારે સૌથી સારું પરફોર્મન્સ આપતી કોમોડિટીઝ પૈકી એક છે.

ભાવ વધવા પાછળના મુખ્ય કારણો