Indian Rupee: ભારતીય રૂપિયો 90.96 પર થઈ રહ્યો છે ટ્રેડ, ડોલર સામે 5 પૈસાનો ઘટાડો; 91ની સપાટી બચાવવા RBI મેદાનમાં

Indian Rupee: ભારતીય કરન્સી માર્કેટમાં સપ્તાહના અંતે રૂપિયામાં થોડું દબાણ જોવા મળ્યું છે. આંતરરાષ્ટ્રીય સ્તરે રાતોરાત ડોલર સહેજ મજબૂત થતા ભારતીય રૂપિયો 5 પૈસા તૂટીને 90.96 ના સ્તરે ખુલ્યો છે. નોંધનીય છે કે, અગાઉના ટ્રેડિંગ સેશનમાં રૂપિયો 90.91 ના સ્તરે બંધ થયો હતો. હાલમાં બજારના રોકાણકારો અને ટ્રેડર્સ નવી પોઝિશન લેતા પહેલા રિઝર્વ બેંક ઓફ ઇન્ડિયા (RBI) ના આગામી પગલાંની રાહ જોઈ રહ્યા છે.

રૂપિયા પર સતત દબાણ અને RBIનું એક્શન

આ આખું અઠવાડિયું રૂપિયા પર દબાણ જોવા મળ્યું છે અને તે એક મર્યાદિત રેન્જમાં જ ઉપર-નીચે થતો રહ્યો છે. બજારના સૂત્રોના જણાવ્યા અનુસાર, આયાતકારો (Importers) પોતાનું આર્થિક જોખમ ઘટાડવા માટે સતત હેજિંગ કરી રહ્યા છે, જેની સીધી અસર રૂપિયા પર પડી છે. જોકે, રૂપિયો 91 પ્રતિ ડોલરની સપાટીથી વધુ નીચે ન ગગડે તે માટે RBI આખું અઠવાડિયું સતત ડોલર વેચીને બજારને ટેકો આપી રહી હોવાનું ટ્રેડર્સ માની રહ્યા છે.

એક્સપર્ટનો શું મત છે?

CR ફોરેક્સ એડવાઈઝર્સના મેનેજિંગ ડિરેક્ટર અમિત પબારીએ આ બાબતે માહિતી આપતા જણાવ્યું હતું કે, "ટેક્નિકલ રીતે જોઈએ તો USD/INR માટે 90.60 થી 90.80 ની રેન્જ એક ખૂબ જ મહત્વના સપોર્ટ ઝોન તરીકે કામ કરી રહી છે. જ્યાં સુધી આ સપાટી જળવાઈ રહેશે, ત્યાં સુધી બજારનો ટ્રેન્ડ ઉપરની તરફ જ રહેશે. હાલ પૂરતું RBI ની દેખરેખ હેઠળ રૂપિયો સ્થિર રહી શકે છે."

વૈશ્વિક પરિબળોની અસર

માત્ર સ્થાનિક જ નહીં, પરંતુ વૈશ્વિક કારણો પણ રૂપિયાની ચાલ પર ભારે અસર કરી રહ્યા છે.