Oil Price: વધવા લાગી પેટ્રોલ અને ડીઝલમાં કપાતની ઉમ્મીદ, આ છે મોટુ કારણ

Oil Price: દેશમાં પેટ્રોલ અને ડીઝલના ભાવમાં રાહતની આશાઓ વધવા લાગી છે. વાસ્તવમાં, આંતરરાષ્ટ્રીય બજારમાં કાચા તેલની કિંમતોમાં ઘટાડો જોવા મળી રહ્યો છે અને એવા સંકેતો છે કે ક્રૂડ ઓઇલના ભાવમાં ઘટાડો ભવિષ્યમાં પણ ચાલુ રહેશે. સરકારે પહેલેથી જ સંકેત આપ્યો હતો કે જો ક્રૂડ ઓઈલ નીચલા સ્તરે સ્થિર રહે છે તો ઓઈલ કંપનીઓ પેટ્રોલ અને ડીઝલના ભાવમાં રાહત આપી શકે છે. હાલમાં કાચા તેલમાં સતત ઘટાડો થઈ રહ્યો છે અને અનુમાન લગાવવામાં આવી રહ્યું છે કે આગામી સમયમાં પણ કાચા તેલના ભાવ નીચા રહી શકે છે. આનો અર્થ એ છે કે સામાન્ય ભારતીય આવનારા સમયમાં પેટ્રોલ અને ડીઝલના ભાવમાં ઘટાડો થવાની આશા રાખી શકે છે.

કેમ વધી રહી છે પેટ્રોલ ડીઝલમાં રાહતની આશા

બેન્ક ઓફ અમેરિકાએ અનુમાન લગાવ્યું છે કે ઓઇલ સરપ્લસની સ્થિતિને ધ્યાનમાં રાખીને વર્ષ 2025માં બ્રેન્ટની કિંમત બેરલ દીઠ સરેરાશ $65ના સ્તરે રહી શકે છે. અગાઉ, નિષ્ણાતોને ટાંકીને રોયટર્સે અનુમાન લગાવ્યું હતું કે માંગના સંદર્ભમાં વર્ષ 2025 વર્ષ 2024 કરતાં નબળું હોઈ શકે છે અને આગામી વર્ષની સરેરાશ કિંમતો 2024ની સરેરાશ કિંમતો કરતાં ઓછી હોઈ શકે છે. આગામી વર્ષ માટે બ્રેન્ટના અનુમાનોમાં સતત ઘટાડો કરવામાં આવી રહ્યો છે. રોયટર્સ પોલમાં સતત 7મી વખત અંદાજમાં ઘટાડો કરવામાં આવ્યો છે. અગાઉ, UBSએ પણ 2025 માટે બ્રેન્ટના સરેરાશ ભાવ અંદાજમાં તીવ્ર ઘટાડો કર્યો હતો. એટલે કે સંકેતો સ્પષ્ટ છે કે તેલના ભાવ વર્ષ 2025માં પણ નીચા રહેશે. આવી સ્થિતિમાં તેલ કંપનીઓને રાહત આપવાની તક મળશે.

ક્યાં પહોંચ્યુ કાચુ તેલ