ક્રૂડ ઓઇલમાં કડાકો: ડોલર સામે રૂપિયો 29 પૈસા મજબૂત થઈ 94.35 પર ખુલ્યો, વૈશ્વિક બજારોમાં તેજી

Currency Check : આંતરરાષ્ટ્રીય બજારમાં ક્રૂડ ઓઇલના ભાવમાં નરમાઈ અને અમેરિકી ડોલરના ઘટાડા વચ્ચે ભારતીય ચલણમાં જોરદાર સુધારો જોવા મળ્યો છે. 5 નવેમ્બરના રોજ ઇન્ટરબેંક ફોરેક્સ માર્કેટમાં ભારતીય રૂપિયો સતત પાંચમા કારોબારી દિવસે મજબૂતી સાથે આગળ વધ્યો છે. સ્થાનિક ચલણ 29 પૈસાના સુધારા સાથે 94.35 પ્રતિ ડોલર પર ખુલ્યો હતો, જે બુધવારના બંધ ભાવ 94.64 પ્રતિ ડોલર કરતા નોંધપાત્ર વધારો દર્શાવે છે.

તેલના ભાવ ઘટવાનું મુખ્ય કારણ

વૈશ્વિક બજારના નિષ્ણાતો અનુસાર, યુએસ મધ્યવર્તી ચૂંટણીમાં રિપબ્લિકન પાર્ટીની હાર બાદ અમેરિકી રાજકારણમાં મોટા ફેરફારોની શક્યતા જોવા મળી રહી છે. ડેમોક્રેટિક પક્ષના વિજયથી રાષ્ટ્રપતિ ડોનાલ્ડ ટ્રમ્પ પર ઈરાન સંઘર્ષમાંથી ખસી જવાનું દબાણ વધી શકે છે. આ રાજકીય ઘટનાક્રમે ક્રૂડ ઓઇલના પુરવઠાને લગતી ચિંતા હળવી કરી છે, જેને પગલે કાચા તેલના ભાવમાં ઘટાડો થયો છે અને ભારત જેવા આયાતકાર દેશના ચલણને સીધો ફાયદો મળ્યો છે.

ડોલર ઇન્ડેક્સ અને અન્ય કરન્સીની સ્થિતિઅમેરિકી ચૂંટણી પરિણામોએ બજારની મોટી અનિશ્ચિતતા દૂર કરી વૈશ્વિક શેરબજારોને વેગ આપ્યો છે. વિશ્વના મુખ્ય ચલણો સામે ડોલરની સ્થિતિ દર્શાવતો ડોલર ઇન્ડેક્સ પાછલા સત્રમાં 0.36% ઘટ્યા બાદ આજે વધુ 0.06% ઘટીને 101.41 પર આવી ગયો છે. આ દરમિયાન યુરો 0.12% વધીને 1.1241 ડોલર પર ટ્રેડ થઈ રહ્યો હતો.