મુકેશ અંબાણીની નવી કંપની: રિલાયન્સ ઇન્ટેલિજન્સ લિમિટેડનો AIમાં મોટી છલાંગ

Reliance Intelligence: રિલાયન્સ ઇન્ડસ્ટ્રીઝ લિમિટેડ (RIL)એ આર્ટિફિશિયલ ઇન્ટેલિજન્સ (AI)ના ક્ષેત્રમાં મોટું પગલું ભરીને નવી સબસિડિયરી કંપની રિલાયન્સ ઇન્ટેલિજન્સ લિમિટેડની સ્થાપના કરી છે. આ ઘોષણા ગયા મહિને ઓગસ્ટ 2025માં યોજાયેલી રિલાયન્સની વાર્ષિક સામાન્ય સભા (AGM) દરમિયાન કરવામાં આવી હતી. કંપનીએ શેરબજારને જણાવ્યું કે, 9 સપ્ટેમ્બર, 2025ના રોજ કોર્પોરેટ બાબતોના મંત્રાલય તરફથી રજિસ્ટ્રેશન સર્ટિફિકેટ મળી ગયું છે.

શું કરશે રિલાયન્સ ઇન્ટેલિજન્સ?

રિલાયન્સના ચેરમેન મુકેશ અંબાણીએ AGMમાં જણાવ્યું હતું કે, રિલાયન્સ ઇન્ટેલિજન્સ ભારતમાં ગીગાવોટ-સ્તરના AI-સક્ષમ ડેટા સેન્ટર વિકસાવશે, જે ગ્રીન એનર્જીથી સંચાલિત હશે. આ ડેટા સેન્ટર રાષ્ટ્રીય સ્તરે AI ટ્રેનિંગ અને ઇન્ફરન્સની જરૂરિયાતોને પૂર્ણ કરશે. ગુજરાતના જામનગરમાં આવા ડેટા સેન્ટરનું નિર્માણ શરૂ થઈ ગયું છે, જે ચરણબદ્ધ રીતે વિકસાવવામાં આવશે. આ સેન્ટરોને રિલાયન્સના નવા ઊર્જા ઇકોસિસ્ટમથી પાવર મળશે.

કંપનીના ચાર મુખ્ય મિશન

રિલાયન્સ ઇન્ટેલિજન્સ ચાર મુખ્ય ઉદ્દેશો પર કામ કરશે:

અદ્યતન AI ઇન્ફ્રાસ્ટ્રક્ચર: ભારતમાં નેક્સ્ટ-જનરેશન AI ઇન્ફ્રાસ્ટ્રક્ચરનું નિર્માણ.

ગ્લોબલ પાર્ટનરશિપ: વૈશ્વિક સ્તરે AI સંબંધિત સહયોગ અને પાર્ટનરશિપ વધારવી.