TVS Motor Q1 Results: ટુ-વ્હીલર બનાવતી જાણીતી ઓટો કંપની TVS Motor એ જૂન ક્વાર્ટરના લેટેસ્ટ પરિણામો જાહેર કરીને શેરબજારને ચોંકાવી દીધું છે. કંપનીએ નફા, આવક અને માર્જિન એમ તમામ મોરચે બજારની અપેક્ષા કરતાં ખૂબ જ શાનદાર પ્રદર્શન કર્યું છે. આ પરિણામોની સીધી અસર કંપનીના શેર પર જોવા મળી છે અને શેરમાં ભારે તેજી આવી છે.
TVS Motor Q1 Results: ઓટો કંપનીને થયો 1174 કરોડનો જંગી નફો, શાનદાર રિઝલ્ટ બાદ શેર બન્યો રોકેટ
TVS Motorએ જૂન ક્વાર્ટરના શાનદાર પરિણામો જાહેર કર્યા છે. કંપનીનો નફો 50% વધીને 1174 કરોડ થયો છે. આ મજબૂત રિઝલ્ટને કારણે શેરમાં 5% થી વધુનો ઉછાળો આવ્યો. જાણો સંપૂર્ણ વિગત.
MoneyControl Newsઅપડેટેડ Jul 21, 2026 પર 4:25 PM
નફામાં 50% નો મોટો ઉછાળો
જૂન ક્વાર્ટરમાં TVS મોટરનો ચોખ્ખો નફો 50.7% ના જંગી ઉછાળા સાથે 1174 કરોડ રૂપિયા પર પહોંચી ગયો છે. અગાઉના વર્ષે આ જ સમયગાળામાં કંપનીનો નફો 779 કરોડ રૂપિયા હતો. નોંધનીય છે કે, બજારના નિષ્ણાતોને 1022 કરોડ રૂપિયાના નફાની આશા હતી, પરંતુ કંપનીએ તેના કરતા ઘણું સારું રિઝલ્ટ આપ્યું છે.
આ ઉપરાંત કંપનીની અન્ય આવક પણ 34 કરોડ રૂપિયાથી વધીને 150 કરોડ રૂપિયા થઈ ગઈ છે, જેણે ચોખ્ખો નફો વધારવામાં મોટો ટેકો આપ્યો છે.
આવક અને માર્જિનમાં પણ અપેક્ષા કરતા વધુ ગ્રોથ
કંપનીના ફાઇનાન્સિયલ રિપોર્ટના અન્ય આંકડાઓ પર નજર કરીએ તો,, કંપનીની કુલ આવક 37.8% ના વધારા સાથે 13,896 કરોડ રૂપિયા થઈ છે. એક વર્ષ પહેલા તે 10,081 કરોડ રૂપિયા હતી. બજારને 13,618 કરોડ રૂપિયાની આવકનો અંદાજ હતો, જેને કંપનીએ આસાનીથી પાછળ પાડી દીધો છે. કંપનીનો ઓપરેટિંગ નફો 41% ના ઉછાળા સાથે 1,779 કરોડ રૂપિયા નોંધાયો છે, જે અગાઉ 1,260 કરોડ રૂપિયા હતો. બજારને એવી આશા હતી કે કંપનીના માર્જિનમાં ઘટાડો થશે, પરંતુ TVS મોટરે સૌને ખોટા પાડીને પોતાનું EBITDA માર્જિન 12.5% થી વધારીને 12.8% કરી દીધું છે.
વેચાણ અને કિંમત બંનેમાં વધારો
આ ક્વાર્ટરમાં કંપનીના વાહનોના વેચાણમાં 28% નો મજબૂત વધારો જોવા મળ્યો છે. આ સાથે જ, દરેક વાહન દીઠ મળતી સરેરાશ કિંમતમાં પણ 6% નો વધારો થયો છે. આ બે પરિબળોએ કંપનીની કમાણી અને માર્જિન વધારવામાં મુખ્ય ભૂમિકા ભજવી છે.
શેરબજારમાં જબરદસ્ત તેજી
આ શાનદાર પરિણામો બાદ રોકાણકારોએ TVS Motor ના શેર પર ભારે ભરોસો દાખવ્યો છે. મંગળવારે ટ્રેડિંગ દરમિયાન શેર 5.56% ઉછળીને 3,789 રૂપિયાના લેવલ પર પહોંચી ગયો હતો. હવે આ શેર તેની ઓલ-ટાઈમ હાઈ સપાટી 3,970 રૂપિયાની એકદમ નજીક આવી ગયો છે. જો છેલ્લા એક વર્ષની વાત કરીએ તો આ શેરે રોકાણકારોને 33.66% નું જબરદસ્ત રિટર્ન આપ્યું છે.
ડિસ્ક્લેમર: આ જાણકારી ફક્ત સૂચના હેતુ આપવામાં આવી રહી છે. અહીં બતાવુ જરૂરી છે કે માર્કેટમાં રોકાણ બજાર જોખમોના આધીન છે. રોકાણકારોની રીતે પૈસા લગાવાથી પહેલા હંમેશા એક્સપર્ટથી સલાહ લે. મનીકંટ્રોલની તરફથી કોઈને પણ પૈસા લગાવાની અહીં ક્યારેય પણ સલાહ નથી આપવામાં આવી છે.
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.