સિલિકોન વેલી બેન્કને લઇ ફેડરલ રિઝર્વે બોલાવી તાકીદની બેઠક, આવતીકાલે બંધ રૂમમાં યોજાશે બેઠક

અમેરિકાની મોટી બેન્કોમાંની એક સિલિકોન વેલી બંધ થયા બાદ દેશમાં બેંકિંગ કટોકટી સર્જાવાની આશંકા છે. આ દરમિયાન યુએસ સેન્ટ્રલ બેન્ક ફેડરલ રિઝર્વે ઈમરજન્સી બેઠક બોલાવી છે. ફેડરલ રિઝર્વ બોર્ડ ઓફ ગવર્નર્સ દ્વારા બોલાવવામાં આવેલી આ બેઠક આવતીકાલે એટલે કે 13 માર્ચે ઇન-કેમેરા યોજાશે. આજે જારી કરાયેલા નિવેદન મુજબ, 12 માર્ચ, બોર્ડ મીટિંગ દરમિયાન, ફેડરલ રિઝર્વ બેન્કો દ્વારા વસૂલવામાં આવતા એડવાન્સ અને ડિસ્કાઉન્ટ દરોની સમીક્ષા કરવામાં આવશે.

અમેરિકન નિયમનકારોએ બેન્કને બંધ કરવાનો આદેશ આપ્યો

જણાવી દઈએ કે યુએસ રેગ્યુલેટર્સે દેશની સિલિકોન વેલી બંધ કરવાનો આદેશ આપ્યો છે. આ આદેશ બાદ બેન્કની પેરેન્ટ કંપની SVB ફાયનાન્સિયલ ગ્રુપના શેરમાં મોટો ઘટાડો જોવા મળ્યો છે. સિલિકોન વેલી બેન્ક એ યુ.એસ.ની 16મી સૌથી મોટી બેન્ક છે, જે કેલિફોર્નિયાના સાન્ટા ક્લેરા સ્થિત છે.

આ બેન્કમાં ડિપોઝીટ, લોન, ટ્રેઝરી મેનેજમેન્ટ, ઓનલાઈન બેંકિંગ, ફોરેન એક્સચેન્જ ટ્રેડ સહિત તમામ પ્રકારની સેવાઓ આપવામાં આવી છે. આ સિવાય સિલિકોન વેલી બેન્ક વિશ્વભરના સ્ટાર્ટઅપ્સમાં રોકાણ કરવા માટે પણ જાણીતી છે.

બેન્ક શા માટે ડૂબી

વિશ્વભરની સેન્ટ્રલ બેન્કો વધતી જતી ફુગાવાને કાબૂમાં લેવા માટે વ્યાજદરમાં સતત વધારો કરી રહી છે. યુએસની સેન્ટ્રલ બેન્ક ફેડરલ રિઝર્વ પણ વ્યાજદરમાં વધારો કરી રહી છે. 2023 માં, ફેડરલ રિઝર્વ બેંકે ટેક કંપનીઓ માટે વ્યાજ દર વધાર્યો હતો. તેના કારણે ટેક કંપનીઓને ઘણું નુકસાન થયું અને ફંડિંગમાં ઘટાડો થયો. આ સાથે જ કંપનીઓએ બેન્કમાંથી પૈસા ઉપાડવાનું શરૂ કર્યું.

આ ઉપરાંત, જેમ જેમ વ્યાજ દરો વધ્યા તેમ, બેન્ક બોન્ડની કિંમતમાં ઘટાડો થવા લાગ્યો. આનાથી SVBને સમગ્ર લિક્વિડ બોન્ડ પોર્ટફોલિયોને ખોટમાં વેચવાની ફરજ પડી. આમાં બેન્કને $1.8 બિલિયનનું નુકસાન થયું હતું.