Anthropic IPO: કોઈ સારી કંપનીમાં નોકરી કરવાનો ફાયદો માત્ર દર મહિને મળતા પગાર પૂરતો જ સીમિત નથી હોતો. જો કંપની ઝડપથી પ્રગતિ કરે અને કર્મચારીઓ પાસે કંપનીના શેર (ESOPs) પણ હોય, તો તેમનું નસીબ રાતોરાત બદલાઈ શકે છે. આર્ટિફિશિયલ ઈન્ટેલિજન્સ (AI) ક્ષેત્રની દિગ્ગજ કંપની 'એન્થ્રોપિક' (Anthropic) ના શેરબજારમાં લિસ્ટિંગ બાદ કંઈક આવો જ ચમત્કાર જોવા મળ્યો છે. કંપનીના IPO એ તેના હજારો કર્મચારીઓની કિસ્મત બદલી નાખી છે. મીડિયા રિપોર્ટ્સ અનુસાર, કંપનીના આશરે 5,100 કર્મચારીઓ હવે કાગળ પર કરોડપતિ (Paper Millionaires) બની ચૂક્યા છે. તેમાંથી ઘણા કર્મચારીઓ પાસે રહેલા શેરની કિંમત તો કરોડો ડોલરમાં પહોંચી ગઈ છે.

