પૈસા તૈયાર રાખો, આવતા અઠવાડિયે આવી રહ્યા છે 4 નવા IPO, GMP 100% સુધી પહોંચ્યા

IPO News: ભારતીય શેરબજારમાં સતત વધઘટ ચાલુ છે, પરંતુ IPO માર્કેટ એકદમ મજબૂત છે. આગામી સપ્તાહમાં ચાર કંપનીઓ તેમના IPO લોન્ચ કરવા જઈ રહી છે, જેમાંથી બે મેઈનબોર્ડ અને બે SME IPO છે. ઓરિએન્ટ ટેક્નોલોજીસ અને ઈન્ટરઆર્ક બિલ્ડીંગના મેઈનબોર્ડ IPO આવશે. જ્યારે બ્રેસ પોર્ટ લોજિસ્ટિક્સ અને ફોરકાસ સ્ટુડિયો SME સેગમેન્ટમાં IPO લાવશે. નવા IPO ઉપરાંત સરસ્વતી સાડી ડેપો સહિત પાંચ કંપનીઓના શેર જેને આ સપ્તાહે સારો પ્રતિસાદ મળ્યો છે તે પણ બજારમાં લિસ્ટ થશે.

25 વધુ કંપનીઓ કે જેમને સેબીની મંજૂરી મળી છે તેઓ આગામી થોડા અઠવાડિયામાં આશરે રુપિયા 22,000 કરોડ એકત્ર કરવા બજારમાં આવવાની યોજના ધરાવે છે, એવું લાગે છે કે IPOનો સારો ટ્રેન્ડ ચાલુ રહેશે. પેન્ટોમાથ કેપિટલ એડવાઈઝર્સના જણાવ્યા અનુસાર, "વૈશ્વિક આર્થિક અનિશ્ચિતતા અને ભૌગોલિક રાજકીય તણાવ વચ્ચે ભારતની IPO સફળતાની સ્ટોરી આકાર લઈ રહી છે. દેશ આ ગતિ જાળવી શકશે કે કેમ તે ઘણા પરિબળો પર નિર્ભર રહેશે, જેમાં આર્થિક ગ્રોથ, નિયમનકારી લેન્ડસ્કેપ અને "વૈશ્વિક વિકાસનો સમાવેશ થાય છે.

Interarch Building Products IPO

સ્ટીલ મેન્યુફેક્ચરિંગ સોલ્યુશન્સ કંપની ઈન્ટરઆર્ક બિલ્ડીંગ પ્રોડક્ટ્સે તેના આગામી 1,186 કરોડના IPOની પ્રાઇસ બેન્ડ 850થી 900 પ્રતિ શેર રાખી છે. આ IPO 19મી ઓગસ્ટથી 21મી ઓગસ્ટ સુધી ખુલ્લો રહેશે. તેમાંથી, 200 કરોડ નવા શેર જારી કરવામાં આવશે અને 400.28 કરોડના બાકીના શેર હાલના શેરધારકો દ્વારા વેચવામાં આવશે. તેમાં અરવિંદ નંદા, ગૌતમ સૂરી, ઈશાન સૂરી, શોભના સૂરી અને OIH મોરિશિયસ લિમિટેડનો સમાવેશ થાય છે. કંપની 1983માં શરૂ થઈ હતી અને હવે તે ડિઝાઇન, એન્જિનિયરિંગ, બાંધકામ અને પ્રોજેક્ટ મેનેજમેન્ટમાં મેઇન પ્લેયર બની ગઈ છે. એમ્બિટ અને એક્સિસ કેપિટલ આ IPOના બુક રનિંગ લીડ મેનેજર છે. જ્યારે લિન્ક ઈન્ટાઇમ ઈન્ડિયા રજિસ્ટ્રાર છે. ગ્રે માર્કેટમાં કંપનીના શેર 35 ટકાના પ્રીમિયમ પર ટ્રેડ થતા જોવા મળ્યા હતા.

Orient Technologies IPO

આઇટી સોલ્યુશન્સ કંપની ઓરિએન્ટ ટેક્નોલોજીએ તેના IPOની પ્રાઇસ બેન્ડ 195-206 પ્રતિ શેર રાખી છે. આ IPO 21મી ઓગસ્ટથી 23મી ઓગસ્ટ સુધી ખુલ્લો રહેશે. કંપની આ IPO દ્વારા 215 કરોડ એકત્ર કરવાની યોજના ધરાવે છે, જેમાંથી 120 કરોડ નવા શેર તરીકે જારી કરવામાં આવશે અને બાકીના 95 કરોડના શેર હાલના શેરધારકો દ્વારા વેચવામાં આવશે. જેમાં અજય બલિરામ સાવંત, ઉમેશ નવનીતલ શાહ, ઉજ્જવલ અરવિંદ મ્હાત્રે અને જયેશ મનહરલાલનો સમાવેશ થાય છે. Orient Technologies પાસે IT ઇન્ફ્રાસ્ટ્રક્ચર, IT સક્ષમ સેવાઓ (ITES) અને ક્લાઉડ અને ડેટા મેનેજમેન્ટ સર્વિસમાં સ્કીલ ધરાવે છે. ઈલારા કેપિટલ આ IPO માટે એકમાત્ર બુક રનિંગ લીડ મેનેજર છે અને લિંક ઈન્ટાઇમ ઈન્ડિયા રજિસ્ટ્રાર છે.

SME સેગમેન્ટના IPO