AI price hike: તૈયાર રહો મોંઘવારીના માર માટે! AI ક્રાંતિને કારણે હવે સ્માર્ટફોન અને લેપટોપ થશે મોંઘા

AI price hike: આખી દુનિયા અત્યારે આર્ટિફિશિયલ ઈન્ટેલિજન્સ (AI)ની પાછળ દોડી રહી છે, પરંતુ આ ઝડપી દોડ તેની સાથે સામાન્ય માણસ માટે એક મોટો પડકાર લઈને આવી રહી છે. નિષ્ણાતોનું માનીએ તો, AI ટેકનોલોજીમાં આવેલો ઉછાળો ટૂંક સમયમાં તમારા નવા સ્માર્ટફોન, લેપટોપ અને અન્ય ઇલેક્ટ્રોનિક ગેજેટ્સના ભાવ વધારી શકે છે. ચાલો સમજીએ કે આ બધું કેવી રીતે કામ કરે છે અને તેની તમારા પર શું અસર થશે.

સમસ્યાનું મૂળ: AI ડેટા સેન્ટર અને Nvidiaની ભૂમિકા

આજકાલ, મોટી ટેક કંપનીઓ AI ડેટા સેન્ટર બનાવવામાં અબજો ડોલરનું રોકાણ કરી રહી છે. આ ડેટા સેન્ટર્સને ચલાવવા માટે Nvidia જેવી કંપનીઓ દ્વારા બનાવેલી શક્તિશાળી GPU ચિપ્સની જરૂર પડે છે. AI માટે આ ચિપ્સની માંગ એટલી બધી વધી ગઈ છે કે તેની સીધી અસર અન્ય ઇલેક્ટ્રોનિક કોમ્પોનેન્ટ્સની સપ્લાય ચેઇન પર પડી રહી છે.

હાર્ડ ડિસ્ક ડ્રાઇવ (HDD) થી લઈને મેમરી ચિપ્સ (DRAM) સુધી, દરેક જગ્યાએ અછત સર્જાવાની શરૂઆત થઈ ગઈ છે. અલીબાબા જેવી મોટી કંપનીએ તો ચેતવણી પણ આપી છે કે મેમરી ચિપ્સ અને સ્ટોરેજ ડિવાઇસની અછત એટલી ગંભીર છે કે વર્તમાન સપ્લાય આગામી 2-3 વર્ષ જ ચાલી શકશે.

સ્પર્ધા હવે તમારા ફોન સાથે

પહેલાં જે લો-પાવર મેમરી ચિપ્સનો ઉપયોગ ફક્ત સેમસંગ અને એપલ જેવી કંપનીઓ તેમના સ્માર્ટફોનમાં કરતી હતી, હવે Nvidia પણ તેની AI ચિપ્સમાં તે જ મેમરીનો ઉપયોગ કરી રહી છે. આનો સીધો અર્થ એ છે કે જે મેમરી પહેલાં ફક્ત તમારા ફોન માટે બનતી હતી, તેની માંગણી હવે AI સેક્ટરમાંથી પણ આવી રહી છે, જેના કારણે સ્પર્ધા અને ભાવ બંને વધશે.

કેટલો ભાવ વધારો શક્ય છે?