Google Chrome cyber security: ગૂગલ ક્રોમ યુઝર્સ માટે સરકારની મોટી ચેતવણી, આજે જ કરો આ કામ!

Google Chrome cyber security: ભારત સરકારની ઇન્ડિયન કમ્પ્યુટર ઇમરજન્સી રિસ્પોન્સ ટીમ (CERT-In) એ ગૂગલ ક્રોમ બ્રાઉઝરના ડેસ્કટોપ યુઝર્સ માટે એક મહત્વપૂર્ણ સુરક્ષા ચેતવણી જાહેર કરી છે. 8 ઓક્ટોબર, 2025ના રોજ જાહેર કરાયેલી એડવાઇઝરી (CIVN-2025-0250)માં જણાવાયું છે કે ગૂગલ ક્રોમમાં ગંભીર ખામીઓ જોવા મળી છે. આ ખામીઓનો ઉપયોગ હેકર્સ દ્વારા યુઝર્સના કમ્પ્યુટરને રિમોટલી એક્સેસ કરવા માટે થઈ શકે છે, જેને સરકારે હાઇ રિસ્ક કેટેગરીમાં મૂક્યું છે.

આ ચેતવણી Windows, MacOS અને Linux પર ગૂગલ ક્રોમનો ઉપયોગ કરતા તમામ યુઝર્સ માટે છે. CERT-In એ યુઝર્સને તાત્કાલિક ગૂગલ ક્રોમને લેટેસ્ટ વર્ઝન 141.0.7390.65 અથવા 141.0.7390.66 પર અપડેટ કરવાની સલાહ આપી છે, જેથી સાયબર હુમલાઓથી બચી શકાય.

ગૂગલ ક્રોમ કેવી રીતે અપડેટ કરવું?

ગૂગલ ક્રોમને અપડેટ કરવા માટે નીચેના સરળ સ્ટેપ્સ ફોલો કરો:

* તમારા PCમાં ગૂગલ ક્રોમ બ્રાઉઝર ખોલો.

* ઉપરની જમણી બાજુએ આવેલા ત્રણ ડોટ્સ (⋮) પર ક્લિક કરો.

* મેનૂમાંથી Help પસંદ કરો.