મોબાઈલ ચોરી અને ફ્રોડ રોકવા સરકારનો માસ્ટરસ્ટ્રોક! હવે દરેક નવા સ્માર્ટફોનમાં આ સરકારી એપ

ભારતમાં વધી રહેલા સાયબર ફ્રોડ અને મોબાઈલ ફોન ચોરીના બનાવોને રોકવા માટે કેન્દ્ર સરકારે એક મોટો અને મહત્વપૂર્ણ નિર્ણય લીધો છે. સરકારના દૂરસંચાર મંત્રાલયે તમામ સ્માર્ટફોન નિર્માતા કંપનીઓને સ્પષ્ટ આદેશ આપ્યો છે કે હવેથી વેચાતા દરેક નવા ફોનમાં સરકારની 'સંચાર સાથી' એપ પહેલાથી જ ઇન્સ્ટોલ કરેલી હોવી જોઈએ. સૌથી અગત્યની વાત એ છે કે યુઝર્સ આ એપને પોતાની જાતે ડિલીટ કે અનઇન્સ્ટોલ કરી શકશે નહીં.

શું છે સરકારનો સંપૂર્ણ આદેશ?

એક અહેવાલ મુજબ, કેન્દ્ર સરકારે 28 નવેમ્બરના રોજ તમામ મોબાઈલ કંપનીઓને આ નિર્દેશ જારી કર્યો છે. આ આદેશ મુજબ, કંપનીઓએ 90 દિવસની અંદર પોતાના તમામ નવા સ્માર્ટફોનમાં 'સંચાર સાથી' એપ ઇન્સ્ટોલ કરવી પડશે. એટલું જ નહીં, જે ફોન પહેલાથી જ બજારમાં વેચાણ માટે ઉપલબ્ધ છે, તેમાં પણ સોફ્ટવેર અપડેટ દ્વારા આ એપ પહોંચાડવાની જવાબદારી કંપનીઓની રહેશે. સરકારનો મુખ્ય હેતુ દેશના 120 કરોડ મોબાઈલ યુઝર્સને સાયબર અપરાધોથી સુરક્ષિત કરવાનો છે.

શા માટે 'સંચાર સાથી' એપ આટલી ખાસ છે?

'સંચાર સાથી' એપ માત્ર એક સામાન્ય એપ્લિકેશન નથી, પરંતુ તે નાગરિકો માટે એક શક્તિશાળી સુરક્ષા સાધન છે. આ એપ દ્વારા તમે નીચે મુજબના કાર્યો સરળતાથી કરી શકો છો:

ચોરાયેલા ફોનને બ્લોક કરો: જો તમારો ફોન ચોરાઈ જાય કે ખોવાઈ જાય, તો તમે તરત જ આ એપ દ્વારા તેને બ્લોક કરી શકો છો, જેથી કોઈ તેનો દુરુપયોગ ન કરી શકે.

ફ્રોડ કોલની જાણ કરો: શંકાસ્પદ કોલ કે મેસેજની ફરિયાદ સીધી આ એપ પર કરી શકાય છે.