Get App

PM Modi Norway Visit: પીએમ મોદીની નોર્વે મુલાકાતથી ભારતને મળ્યા 12 મોટા ફાયદા, જાણો સ્પેસથી લઈને ગ્રીન એનર્જી સુધીના કરારોની સંપૂર્ણ વિગત

PM Modi Norway Visit: પીએમ મોદીની નોર્વે મુલાકાત દરમિયાન ભારત અને નોર્વે વચ્ચે 'ગ્રીન સ્ટ્રેટેજિક પાર્ટનરશિપ' સહિત 12 ઐતિહાસિક કરાર થયા છે. જાણો આ કરારોથી ભવિષ્યમાં ભારતને શું ફાયદો થશે.

MoneyControl Newsઅપડેટેડ May 19, 2026 પર 9:34 AM
PM Modi Norway Visit: પીએમ મોદીની નોર્વે મુલાકાતથી ભારતને મળ્યા 12 મોટા ફાયદા, જાણો સ્પેસથી લઈને ગ્રીન એનર્જી સુધીના કરારોની સંપૂર્ણ વિગતPM Modi Norway Visit: પીએમ મોદીની નોર્વે મુલાકાતથી ભારતને મળ્યા 12 મોટા ફાયદા, જાણો સ્પેસથી લઈને ગ્રીન એનર્જી સુધીના કરારોની સંપૂર્ણ વિગત
PM Modi Norway Visit: પીએમ મોદીની નોર્વે મુલાકાત દરમિયાન ભારત અને નોર્વે વચ્ચે 'ગ્રીન સ્ટ્રેટેજિક પાર્ટનરશિપ' સહિત 12 ઐતિહાસિક કરાર થયા છે.

PM Modi Norway Visit: વડાપ્રધાન નરેન્દ્ર મોદીની નોર્વેની સત્તાવાર મુલાકાત ભારત માટે ઐતિહાસિક અને રણનીતિક રીતે ખૂબ જ મહત્વપૂર્ણ સાબિત થઈ છે. આ મુલાકાત દરમિયાન ભારત અને નોર્વેએ પોતાના દ્વિપક્ષીય સંબંધોને વધુ મજબૂત બનાવીને ‘ગ્રીન સ્ટ્રેટેજિક પાર્ટનરશિપ'માં બદલી નાખ્યા છે. બંને દેશો વચ્ચે કુલ 12 મહત્વપૂર્ણ કરારો પર હસ્તાક્ષર કરવામાં આવ્યા છે, જે ભારતના ક્લાઈમેટ, સ્પેસ, ડિજિટલ અને દરિયાઈ ક્ષેત્ર (મેરીટાઇમ સેક્ટર) ને નવી સ્પીડ આપશે.

તમને જણાવી દઈએ કે, પીએમ મોદીની પાંચ દેશોની (યુએઈ, નેધરલેન્ડ, સ્વીડન, નોર્વે અને ઈટાલી) યાત્રાનો આ ચોથો પડાવ હતો. ઓસ્લોમાં તેમણે દ્વિપક્ષીય વાટાઘાટોની સાથે ત્રીજા 'ભારત-નોર્ડિક શિખર સંમેલન'માં પણ ભાગ લીધો હતો.

ચાલો એકદમ સરળ ભાષામાં સમજીએ કે પીએમ મોદીની આ નોર્વે મુલાકાતથી ભારતને કયા 12 મોટા ફાયદા થયા છે:

1. ગ્રીન સ્ટ્રેટેજિક પાર્ટનરશિપની શરૂઆત

બંને દેશોએ પોતાના સંબંધોને આગળ વધારતા ‘ગ્રીન સ્ટ્રેટેજિક પાર્ટનરશિપ'ની શરૂઆત કરી છે. આ અંતર્ગત નોર્વેની આધુનિક ટેકનોલોજી અને ભારતની મેન્યુફેક્ચરિંગ ક્ષમતાનો ઉપયોગ કરીને ક્લીન એનર્જી, સર્ક્યુલર ઈકોનોમી અને પર્યાવરણ સુરક્ષા પર સાથે મળીને કામ કરવામાં આવશે.

2. ઈન્ડો-પેસિફિક ઓશન્સ ઈનિશિએટિવમાં નોર્વેની એન્ટ્રી

દરિયાઈ સુરક્ષાને વધુ મજબૂત કરવા માટે નોર્વે હવે સત્તાવાર રીતે 'ઈન્ડો-પેસિફિક ઓશન્સ ઈનિશિએટિવ' (IPOI) માં જોડાઈ ગયું છે. આનાથી હિંદ-પ્રશાંત ક્ષેત્રમાં મુક્ત અને સુરક્ષિત વેપારી માર્ગોને પ્રોત્સાહન મળશે.

બધા સમાચાર

+ વધુુ વાંચો