ભારત-તાઇવાનની મેગાડીલ: રેર અર્થ મિનરલ્સ માટે ડ્રેગનને ચેલેન્જ, ચીન ચિંતામાં!

Rare Earth Minerals: દુનિયાભરના દેશો ભવિષ્યની ટેકનોલોજી માટે જરૂરી રેર અર્થ મિનરલ્સની પાછળ પડ્યા છે. આ ખનીજો ઇલેક્ટ્રિક વાહનો, સ્માર્ટફોન, ચિપ્સ, મિસાઇલ અને સોલર પેનલ બનાવવામાં વપરાય છે. હાલમાં ચીનના નવા પ્રતિબંધોએ વૈશ્વિક બજારમાં ખળભળાટ મચાવ્યો છે. આવા સમયે ભારત અને તાઇવાન વચ્ચે એક મહત્વનો સોદો થઈ રહ્યો છે, જે ચીન માટે માથાનો દુખાવો બની શકે છે.

તાઇવાનનો પ્રસ્તાવ: શું છે ડીલ?

નવી દિલ્હીમાં યોજાયેલ તાઇવાન એક્સપો 2025માં તાઇવાને ભારત સાથે મોટો પ્રસ્તાવ મૂક્યો છે. તાઇવાનને ભારતના રેર અર્થ મિનરલ્સની જરૂર છે, અને બદલામાં તે સેમિકન્ડક્ટર ટેકનોલોજી આપવા તૈયાર છે. કેવિન ચેંગ, ઉપનિદેશક, TAITRA તેમણે જણાવ્યું કે "અમને ઇલેક્ટ્રિક વાહનો, રક્ષા અને નવીનીકરણીય ઊર્જા માટે ભારતના ખનીજો જોઈએ." તાઇવાનની કંપની પાવરચિપ સેમિકન્ડક્ટર (PSMC) આવતા વર્ષથી ટાટા ગ્રૂપ સાથે મળીને ભારતમાં ચિપ્સનું ઉત્પાદન શરૂ કરશે.

ચીનના નવા નિયમો: ક્યારે લાગુ થશે?

ચીને 8 નવેમ્બર અને 1 ડિસેમ્બરથી રેર અર્થ અને પર્મનન્ટ મેગ્નેટ્સના નિકાસ પર નવા પ્રતિબંધો લગાવ્યા છે.

- ચીન વિશ્વના 70% ખનન અને 90% પ્રોસેસિંગનું નિયંત્રણ ધરાવે છે.

- આ પ્રતિબંધો રક્ષા ઉદ્યોગને સીધી અસર કરશે.