હવે ફોન બદલવાની ઝંઝટ પૂરી! Apple અને Googleની ભાગીદારીથી Android-iPhone વચ્ચે ડેટા ટ્રાન્સફર થશે એકદમ સરળ

Android to iPhone, iPhone to Android: સ્માર્ટફોન યુઝર્સ માટે એક મોટા અને સારા સમાચાર સામે આવી રહ્યા છે. અત્યાર સુધી એકબીજાના કટ્ટર હરીફ ગણાતા Apple અને Google એ યુઝર્સની સુવિધા માટે હાથ મિલાવ્યા છે. આ ભાગીદારીનો સીધો ફાયદો એવા કરોડો યુઝર્સને મળશે જેઓ Android ફોનમાંથી iPhone માં અથવા iPhone માંથી Android ફોનમાં શિફ્ટ થવા માંગે છે. હવે ફોન બદલતી વખતે ડેટા ગુમાવવાની કે પછી થર્ડ-પાર્ટી એપ્સ વાપરવાની ઝંઝટનો અંત આવવાનો છે.

ડેટા ટ્રાન્સફર બનશે ખૂબ જ સરળ

લાંબા સમયથી, બંને કંપનીઓ એક એવા ફીચર પર કામ કરી રહી હતી જે ડેટા ટ્રાન્સફરના અનુભવને સંપૂર્ણપણે બદલી નાખે. અત્યાર સુધી, યુઝર્સે ફોન બદલતી વખતે કોન્ટેક્ટ્સ, ફોટો, વીડિયો અને એપ્સ ટ્રાન્સફર કરવા માટે અન્ય એપ્સનો સહારો લેવો પડતો હતો, જેમાં ડેટા લોસ થવાનો ભય રહેતો હતો. પરંતુ હવે આ પ્રક્રિયા ફોનના સેટઅપનો જ એક ભાગ બની જશે, જેનાથી યુઝર્સ સરળતાથી પોતાનો તમામ ડેટા નવા ફોનમાં ટ્રાન્સફર કરી શકશે.

નવા અપડેટમાં જોવા મળ્યું આ ફીચર

9to5Google ના એક રિપોર્ટ અનુસાર, આ નવા ફીચરને લેટેસ્ટ Android Canary 2512 (ZP11.251121.010) બિલ્ડમાં જોવામાં આવ્યું છે. જોકે, આ અપડેટ હજુ સુધી બધા યુઝર્સ માટે જાહેર કરવામાં આવ્યું નથી. હાલમાં, આ ફીચર Google Pixel 6થી લઈને Google Pixel 10 સુધીના ફોનમાં ટેસ્ટિંગ માટે ઉપલબ્ધ છે.

બીજી તરફ, એવું પણ માનવામાં આવે છે કે Apple તેના આગામી iOS 26ના બીટા અપડેટમાં આ ડેટા ટ્રાન્સફર સુવિધાને ઉમેરી શકે છે. બંને કંપનીઓએ પુષ્ટિ કરી છે કે આ ફીચર ટૂંક સમયમાં જ તમામ યુઝર્સ માટે રોલઆઉટ કરવામાં આવશે.

યુઝર્સને શું ફાયદો થશે?