સાતમ-આઠમ વેકેશન: સૌરાષ્ટ્ર જતી ST અને ખાનગી બસો હાઉસફૂલ, ટિકિટના ભાડાં ડબલ થયા, જાણો લેટેસ્ટ રેટ

Janmashtami 2026: અમદાવાદમાં નોકરી, વ્યવસાય અને રોજગારી માટે રહેતા સૌરાષ્ટ્રવાસીઓ માટે જન્માષ્ટમી એટલે કે સાતમ-આઠમનો તહેવાર ખૂબ જ ખાસ હોય છે. વર્ષભર પરિવારથી દૂર રહેતા લોકો આ મિની વેકેશનમાં પોતાના વતન જઈને માતા-પિતા અને સગાં-સંબંધીઓ સાથે તહેવાર ઉજવવા માટે થનગની રહ્યા છે. જોકે, આ વર્ષે વતનની વાટ પકડવી મુસાફરોના ખિસ્સા પર ભારે પડી રહી છે.

ટ્રેનોમાં વેઇટિંગ, બસો અત્યારથી જ ફૂલ

હાલમાં સૌરાષ્ટ્ર તરફ જતી તમામ ટ્રેનોમાં બુકિંગ ફૂલ થઈ ગયું છે અને લાંબુ વેટિંગ લિસ્ટ ચાલી રહ્યું છે. ટ્રેનમાં કન્ફર્મ ટિકિટ ન મળતા લોકો બસ તરફ વળ્યા છે. મુસાફરોના આ ભારે ધસારાને કારણે અમદાવાદથી સૌરાષ્ટ્ર જતા રૂટ પરની આશરે 80 ટકા ST બસો અને 70 ટકા ખાનગી બસોની સીટો અત્યારથી જ બુક થઈ ગઈ છે. ખાસ કરીને રાજકોટ, ભાવનગર, જૂનાગઢ, અમરેલી અને પોરબંદર જેવા મુખ્ય રૂટ પરની બસો સંપૂર્ણપણે હાઉસફૂલ થઈ ગઈ છે.

મુસાફરો બમણું ભાડું ચૂકવવા મજબૂર

તહેવારની આ ભીડનો લાભ લઈને ખાનગી ટ્રાવેલ્સ સંચાલકોએ ભાડામાં અધધ વધારો ઝીંકી દીધો છે. સામાન્ય દિવસોમાં જે ખાનગી બસની ટિકિટ 500થી 700 રૂપિયામાં મળતી હતી, તેના ભાવ વધીને હવે સીધા 800થી 1200 રૂપિયા સુધી પહોંચી ગયા છે. આમ છતાં, વતન પહોંચવાની ઉતાવળમાં લોકો હોંશે હોંશે આ બમણું ભાડું પણ ચૂકવી રહ્યા છે. જેમણે એડવાન્સ બુકિંગ નથી કરાવ્યું તેમને હવે છેલ્લી ઘડીએ પોતાની મનપસંદ સીટ કે ટિકિટ મેળવવામાં ભારે હાલાકીનો સામનો કરવો પડી રહ્યો છે.

વિવિધ રૂટ પર બસોના હાલના ભાડાની સ્થિતિ:

અહીં સામાન્ય દિવસો અને તહેવારના દિવસોમાં ખાનગી તથા ST બસના ભાડાની સરખામણી આપી છે:-