Sunita Williams Return: સુનીતા વિલિયમ્સ 286 દિવસ પછી પૃથ્વી પર ફર્યા પરત, સમુદ્રમાં ઉતર્યા, જુઓ વીડિયો

Sunita Williams Return: ભારતીય મૂળના અમેરિકન અવકાશયાત્રીઓ સુનિતા વિલિયમ્સ અને બુચ વિલ્મોર સુરક્ષિત રીતે પૃથ્વી પર પાછા ફર્યા છે. 9 મહિના ગાળ્યા પછી, તેઓ પૃથ્વી પર ઉતર્યા. તેમનું ડ્રેગન અવકાશયાન ભારતીય સમય મુજબ બુધવારે સવારે 3:27 વાગ્યે ફ્લોરિડાના દરિયાકાંઠે પાણીમાં ઉતર્યું. અવકાશયાત્રીઓ અવકાશયાનમાં ચઢ્યા અને અવકાશયાનનો હેચ એટલે કે ડોર બંધ થઈ ગયા પછી, તેમને સ્પેશ સ્ટેશનથી પૃથ્વી પર પાછા ફરવામાં લગભગ 17 કલાક લાગ્યા. આ પછી, બોટ સાથે હાજર ટીમે હેચ ખોલીને બધાને બહાર કાઢ્યા અને જરૂરી તબીબી તપાસ કરવામાં આવી. તેમના પૃથ્વી પર પાછા ફરવાનો વીડિયો પણ સામે આવ્યો છે.

આપને જણાવી દઈએ કે આ લેન્ડિંગ સાથે ઐતિહાસિક અવકાશ મિશનનો અંત આવ્યો. આ મિશન ફક્ત 8 દિવસનું હતું. પણ તેમાં 9 મહિના લાગ્યા. જ્યારે કેપ્સ્યુલ સફળતાપૂર્વક સમુદ્રમાં ઉતર્યું ત્યારે તે ક્ષણો પણ કેમેરામાં કેદ થઈ ગઈ.

ડોલ્ફિને સુનીતા વિલિયમ્સનું સ્વાગત કર્યું

પરત ફરતી વખતે, સુનિતા વિલિયમ્સ અને બુચ વિલ્મોર સાથે, ક્રૂ-9 ના બે અન્ય અવકાશયાત્રીઓ, નિક હેગ અને એલેક્ઝાન્ડર ગોર્બુનોવ પણ પાછા ફર્યા. તેઓ ડ્રેગન અવકાશયાનમાં પૃથ્વી પર પાછા ફર્યા. ડ્રેગન કેપ્સ્યુલ સમુદ્રની વચ્ચે ઉતરતાની સાથે જ નાસાની ટીમ સ્પીડ બોટની મદદથી કેપ્સ્યુલ સુધી પહોંચી ગઈ. જ્યારે નાસાની ટીમ ડ્રેગન કેપ્સ્યુલ પહોંચી ત્યારે સુનિતા વિલિયમ્સના સ્વાગત માટે દરિયામાં ડોલ્ફિનનું એક જૂથ પણ હાજર હતું. ખાસ વાત એ હતી કે ડોલ્ફિનનું જૂથ લાંબા સમય સુધી ડ્રેગન કેપ્સ્યુલની આસપાસ ફરતું રહ્યું. એવું લાગતું હતું કે આ ડોલ્ફિન પણ વારંવાર સમુદ્રમાંથી બહાર આવી રહી હતી અને ક્રૂ-9 ના તમામ સભ્યોનું સ્વાગત કરી રહી હતી.

નાસા સુનિતા વિલિયમ્સને સ્ટ્રેચર પર લઈ ગયા

અવકાશથી પાછા ફર્યા પછી, સુનિતા વિલિયમ્સ અને તેના સાથીઓને સ્ટ્રેચર પર લઈ જવામાં આવ્યા. આ એક પ્રકારનો પ્રોટોકોલ છે જેનું પાલન દરેક અવકાશયાત્રીએ કરવું પડે છે. આનું કારણ એ છે કે અવકાશયાત્રીઓ અવકાશથી પાછા ફર્યા પછી તરત જ ચાલી શકતા નથી. તેમના શરીરમાં અનેક પ્રકારના ફેરફારો થાય છે. આવી સ્થિતિમાં, નાસા આ અંગે કડક સુરક્ષા પ્રક્રિયાઓ અપનાવે છે.