મહારાષ્ટ્રના આ જિલ્લામાં વસાવાશે 'ત્રીજું મુંબઈ', CM દેવેન્દ્ર ફડણવીસે જણાવ્યા પ્રોજેક્ટના મહત્વપૂર્ણ મુદ્દા

Third Mumbai: મહારાષ્ટ્રના મુખ્યમંત્રી દેવેન્દ્ર ફડણવીસે જાહેરાત કરી છે કે રાયગઢ જિલ્લામાં 'ત્રીજી મુંબઈ'નું નિર્માણ થશે, જે મુંબઈ મહાનગર ક્ષેત્ર (MMR)ના વિકાસને નવું પરિમાણ આપશે. આ નવું શહેર મહારાષ્ટ્રના આર્થિક વિકાસનો નવો અધ્યાય લખશે. સોમવારે વર્લીમાં ગોલ્ડમેન સૅક્સના નવા ઓફિસના ઉદ્ઘાટન પ્રસંગે ફડણવીસે ઇન્વેસ્ટર્સ સાથેની ચર્ચામાં આ પ્રોજેક્ટની મહત્વની વિગતો જણાવી.

પ્રાઇવેટ સેક્ટર સાથે સહયોગથી વિકાસ

મુખ્યમંત્રીએ કહ્યું, "રાજ્ય સરકાર 'ત્રીજી મુંબઈ'ના નિર્માણ માટે પ્રાઇવેટ સેક્ટર સાથે મળીને કામ કરી રહી છે. આ શહેર આંતરરાષ્ટ્રીય યુનિવર્સિટીઓ, મેડિકલ કૉલેજ, ઇનોવેશન સેન્ટર અને રિસર્ચ ફેસિલિટીનું કેન્દ્ર બનશે." તેમણે ઉમેર્યું કે આ પ્રોજેક્ટ મુંબઈ અને મહારાષ્ટ્રના આર્થિક વિકાસમાં મહત્વની ભૂમિકા ભજવશે.

મુંબઈ સાથે સીધી કનેક્ટિવિટી

'ત્રીજી મુંબઈ' અને મુંબઈ વચ્ચે સીધી કનેક્ટિવિટી સુનિશ્ચિત કરવા માટે કોસ્ટલ રોડ, અટલ સેતુ અને વર્લી-સીવરી લિંક રોડ જેવા ઇન્ફ્રાસ્ટ્રક્ચર પ્રોજેક્ટ્સ મહત્વની ભૂમિકા ભજવશે. ફડણવીસે જણાવ્યું કે ક્વોન્ટમ કમ્પ્યુટિંગ અને AI-આધારિત સિસ્ટમ્સ જેવા ક્ષેત્રોમાં રિસર્ચ આ શહેરની મુખ્ય વિશેષતા હશે.

ઇન્વેસ્ટર-ફ્રેન્ડલી વાતાવરણ