Today Gujarat Rain: ગુજરાતમાં આજે 10 જિલ્લામાં રેડ એલર્ટ, ભારે વરસાદની આગાહી

Today Gujarat Rain: ગુજરાતમાં ચોમાસાએ ધમાકેદાર એન્ટ્રી કરી છે. રાજ્યના મોટાભાગના વિસ્તારોમાં મેઘરાજાનો માહોલ જામ્યો છે. હવામાન વિભાગે આજે, સોમવારે, 23 જૂન 2025ના રોજ રાજ્યના 10 જિલ્લાઓમાં ભારેથી અતિભારે વરસાદની આગાહી સાથે રેડ એલર્ટ જાહેર કર્યું છે. આ સાથે અન્ય 15 જિલ્લાઓમાં પણ ભારે વરસાદની શક્યતા વ્યક્ત કરવામાં આવી છે, જેને લઈને ઓરેન્જ અને યલો એલર્ટ જાહેર કરાયા છે.

રેડ એલર્ટવાળા જિલ્લાઓ

હવામાન વિભાગની આગાહી મુજબ, આજે ઉત્તર ગુજરાતના બનાસકાંઠા, દક્ષિણ ગુજરાતના નવસારી, વલસાડ, દમણ, દાદરા નગર હવેલી અને સૌરાષ્ટ્રના જામનગર, રાજકોટ, પોરબંદર, જૂનાગઢ, દ્વારકામાં ભારેથી અતિભારે વરસાદની શક્યતા છે. આ વિસ્તારોમાં ગાજવીજ સાથે ધોધમાર વરસાદ પડી શકે છે, જેના કારણે પૂર, જળબંબાકાર અને ટ્રાફિક સમસ્યાઓ ઊભી થઈ શકે છે.

ઓરેન્જ અને યલો એલર્ટવાળા જિલ્લાઓ

રેડ એલર્ટ ઉપરાંત, હવામાન વિભાગે પાટણ, મહેસાણા, સાબરકાંઠા, ગાંધીનગર, અરવલ્લી, ખેડા, અમદાવાદ, આણંદ, પંચમહાલ, દાહોદ, મહિસાગર, ભરૂચ, સુરત, ડાંગ, તાપીમાં ઓરેન્જ એલર્ટ જાહેર કર્યું છે. આ જિલ્લાઓમાં છૂટાછવાયા વિસ્તારોમાં અતિભારે વરસાદની આગાહી છે. આ ઉપરાંત, સુરેન્દ્રનગર, અમરેલી, ભાવનગર, મોરબી, ગીર સોમનાથ, બોટાદ, દીવ, કચ્છમાં યલો એલર્ટ સાથે ભારે વરસાદની શક્યતા છે.

આવતીકાલની આગાહી

હવામાન વિભાગે જણાવ્યું છે કે, આવતીકાલે, મંગળવારે, અરવલ્લી, આણંદ, દાહોદ, મહિસાગર, પંચમહાલ, વડોદરા, ભરૂચ, નવસારી, વલસાડ, દમણ, દાદરા નગર હવેલી, અમરેલી, ભાવનગર, બોટાદમાં અતિભારે વરસાદની શક્યતા છે. આ જિલ્લાઓમાં ઓરેન્જ એલર્ટ જાહેર કરાયું છે, જેનો અર્થ છે કે નાગરિકોએ સાવચેતી રાખવી જરૂરી છે.