ટ્રમ્પનો એક નિર્ણય અને પાકિસ્તાનમાં ફફડાટ! ભારતે મારી બાજી, હવે પાડોશી દેશના ટેક્સટાઈલ ઉદ્યોગ પર લટકતી તલવાર

Donald Trump India US Trade Deal: વૈશ્વિક બજારમાં ભારતે રમેલા એક દાવે પાડોશી દેશ પાકિસ્તાનની મુશ્કેલીઓમાં અનેકગણો વધારો કરી દીધો છે. અમેરિકાના પ્રમુખ ડોનાલ્ડ ટ્રમ્પ દ્વારા ભારતીય સામાન પરના ટેક્સ (ટેરિફ) માં ઘટાડો અને યુરોપિયન યુનિયન (EU) સાથે ભારતના કરારે પાકિસ્તાનના વેપારીઓની ઊંઘ હરામ કરી નાખી છે. ખાસ કરીને પાકિસ્તાન જેના પર સૌથી વધુ નિર્ભર છે તેવા ટેક્સટાઈલ (કાપડ) ઉદ્યોગ પર હવે સંકટના વાદળો ઘેરાયા છે.

ભારતની મજબૂત સ્થિતિથી પાકિસ્તાનમાં ચિંતા

પાકિસ્તાનના 'કોટન જીનર્સ ફોરમ' ના ચેરમેન એહસાનુલ હકે પોતાની સરકારને ચેતવણી આપી છે કે જો સમયસર યોગ્ય પગલાં લેવામાં નહીં આવે તો પાકિસ્તાનનું એક્સપોર્ટ માર્કેટ તૂટી પડશે. આ ડર પાછળનું મુખ્ય કારણ ભારતની બે મોટી સફળતા છે:

યુરોપ સાથે ડીલ: ભારત અને યુરોપિયન યુનિયન વચ્ચે ફ્રી ટ્રેડ એગ્રીમેન્ટ (FTA) થયો છે. જેના કારણે ત્યાં જતી ભારતીય પ્રોડક્ટ્સ પર ઈમ્પોર્ટ ડ્યુટી શૂન્ય થઈ ગઈ છે.

અમેરિકા સાથે રાહત: ડોનાલ્ડ ટ્રમ્પે ભારતીય ઉત્પાદનો પરના ટેરિફ ઘટાડીને 18-25% ની રેન્જમાં લાવી દીધા છે. બીજી તરફ, પાકિસ્તાની સામાન પર હજુ પણ અમેરિકામાં 19% જેટલો ટેરિફ લાગે છે.

આ સ્થિતિમાં સીધી વાત છે કે, ઈન્ટરનેશનલ માર્કેટમાં ભારતીય સામાન સસ્તો અને સ્પર્ધાત્મક બનશે, જ્યારે પાકિસ્તાન કિંમતની હરીફાઈમાં પાછળ રહી જશે.

‘મધર ઓફ ઓલ ડીલ્સ' અને ભારતનો દબદબો