US-Iran War: ટ્રમ્પે આપ્યું મોટું અપડેટ, શું હવે અટકશે યુદ્ધ? જાણો અમેરિકાનો 'સીઝફાયર' અંગેનો માસ્ટરપ્લાન

છેલ્લા 2 અઠવાડિયાથી વધુ સમયથી અમેરિકા અને ઈરાન વચ્ચે ભીષણ યુદ્ધ ચાલી રહ્યું છે. આંતરરાષ્ટ્રીય સ્તરે આ લોહીયાળ જંગને રોકવા માટે સતત પ્રયાસો થઈ રહ્યા છે. કતાર, ઓમાન, ઈજિપ્ત અને પાકિસ્તાન જેવા દેશો વોશિંગ્ટન અને તેહરાનને વાતચીતના ટેબલ પર લાવવા માટે મધ્યસ્થી કરી રહ્યા છે. આ દેશોએ 10 દિવસના કામચલાઉ યુદ્ધવિરામનો પ્રસ્તાવ પણ તૈયાર કર્યો છે.

પરંતુ, આ બધા જ પ્રયાસો વચ્ચે અમેરિકાના રાષ્ટ્રપતિ ડોનાલ્ડ ટ્રમ્પ હાલમાં યુદ્ધ પર 'પોઝ' બટન દબાવવાના કોઈ મૂડમાં નથી. Axios ના રિપોર્ટ અનુસાર, ટ્રમ્પ પ્રશાસનનું સ્પષ્ટ માનવું છે કે અત્યારે યુદ્ધ એવા વળાંક પર નથી પહોંચ્યું જ્યાં સૈન્ય દબાણ કરતા વાટાઘાટોથી અમેરિકાને કોઈ સારી ડીલ મળી શકે. આવો સમજીએ કે અમેરિકા સીઝફાયરના પ્રસ્તાવથી કેમ પાછળ હટી રહ્યું છે અને તેનો અસલી પ્લાન શું છે.

શું છે 10 દિવસના સીઝફાયરનો પ્રસ્તાવ?

મધ્ય પૂર્વમાં શાંતિ જાળવી રાખવા માટે 4 દેશો દ્વારા એક ખાસ પ્રસ્તાવ તૈયાર કરવામાં આવ્યો છે. અમેરિકા અને ઈરાન વચ્ચે તાત્કાલિક અસરથી 10 દિવસનું કામચલાઉ સીઝફાયર લાગુ કરવામાં આવે. આ યુદ્ધવિરામ દરમિયાન જહાજોની અવરજવર માટે 'સ્ટ્રેટ ઓફ હોર્મુઝ' ને ફરીથી ખોલવા પર સીધી વાતચીત થાય. જો 10 દિવસની શાંતિ સફળ રહે, તો રાજકીય અને સુરક્ષા માળખા પર આગળની ચર્ચા કરવામાં આવે.કતાર, ઓમાન, ઈજિપ્ત અને પાકિસ્તાન બંને દેશો વચ્ચેના મતભેદો દૂર કરવા માટે સતત વાતચીત ચાલુ રાખશે.

નોંધ: ઈરાને સ્વીકાર્યું છે કે તેને સીઝફાયરનો પ્રસ્તાવ મળ્યો છે અને તે તેના પર વિચાર કરી રહ્યું છે, જોકે હજુ સુધી કોઈ સત્તાવાર જવાબ આપ્યો નથી.

ડોનાલ્ડ ટ્રમ્પ કેમ ફગાવી રહ્યા છે પ્રસ્તાવ?

ડોનાલ્ડ ટ્રમ્પ દ્વારા સીઝફાયર પર તાત્કાલિક મહોર ન મારવા પાછળ 2 મોટા રણનીતિક કારણો છે: