Adani Power Q2 Results: અદાણી પાવરની શાનદાર કમાણી, નફામાં 134%નો બમ્પર ઉછાળો, જાણો શેરની સ્થિતિ

Adani Power Q2 Results: શેરબજારમાં અદાણી ગ્રુપની જાણીતી કંપની અદાણી પાવરએ નાણાકીય વર્ષ 2026-27ના બીજા ક્વાર્ટર (જુલાઈ-સપ્ટેમ્બર) ના પરિણામો જાહેર કર્યા છે. કંપનીએ આ ક્વાર્ટરમાં ધમાકેદાર પ્રદર્શન કરતા પોતાના નફા અને આવકમાં જંગી વધારો નોંધાવ્યો છે. વીજળીની વધતી માંગનો કંપનીને સીધો ફાયદો થયો છે.

નફા અને આવકમાં બમ્પર ઉછાળો

જુલાઈથી સપ્ટેમ્બર 2026 ના ક્વાર્ટરમાં અદાણી પાવરનો શુદ્ધ કન્સોલિડેટેડ નફો 134 ટકા વધીને 6,919.45 કરોડ રૂપિયા થઈ ગયો છે. ગયા વર્ષે આ જ સમયગાળામાં કંપનીનો નફો 2,952.78 કરોડ રૂપિયા હતો.

આવકની વાત કરીએ તો, ઓપરેશન્સમાંથી થતી કન્સોલિડેટેડ આવક 44.4 ટકા ઉછળીને 19,438.68 કરોડ રૂપિયા પર પહોંચી ગઈ છે, જે સપ્ટેમ્બર 2025 માં 13,456.84 કરોડ રૂપિયા હતી. કંપનીના જણાવ્યા અનુસાર, દેશમાં વીજળીની માંગમાં આવેલા જંગી ઉછાળા, પાવર પરચેઝ એગ્રીમેન્ટ હેઠળ મળેલા ઊંચા ટેરિફ અને સારા મર્ચન્ટ રિયલાઇઝેશનને કારણે આ જબરદસ્ત કમાણી થઈ છે.

ખર્ચ અને દેવામાં ઘટાડો

કંપનીએ શેરબજારોને આપેલી માહિતી મુજબ, સપ્ટેમ્બર 2026 ક્વાર્ટરમાં કુલ ખર્ચ 13,158.84 કરોડ રૂપિયા રહ્યો, જે ગયા વર્ષે 10,341.59 કરોડ રૂપિયા હતો. રાહતની વાત એ છે કે, સારા કેશ ફ્લો અને દેવાના યોગ્ય સંચાલનને કારણે કંપનીનો ફાઇનાન્સ ખર્ચ 9.7 ટકા ઘટીને 760.23 કરોડ રૂપિયા પર આવી ગયો છે (ગયા વર્ષે 841.63 કરોડ હતો).

FY27 ના પહેલા 6 મહિનાનું રિપોર્ટ કાર્ડ