Market Outlook: ભારતીય શેરબજારમાં 22 જુલાઈએ ભારે ગભરાટ અને પ્રોફિટ બુકિંગનો માહોલ જોવા મળ્યો હતો. ટ્રેડિંગ સેશનના અંતે બેન્ચમાર્ક ઈન્ડેક્સ લાલ નિશાનમાં બંધ થયા હતા. સેન્સેક્સ 715.06 પોઈન્ટ અથવા 0.92 ટકાના ઘટાડા સાથે 76,755.05 પર બંધ થયો હતો. જ્યારે નિફ્ટી 191.45 પોઈન્ટ અથવા 0.79 ટકા તૂટીને 23,996.25 ના સ્તરે આવી ગયો હતો, એટલે કે તેણે 24,000 ની મહત્વની મનોવૈજ્ઞાનિક સપાટી ગુમાવી દીધી છે.
Market Outlook: સેન્સેક્સ-નિફ્ટીમાં મોટા કડાકા બાદ 23 જુલાઈએ કેવો રહેશે બજારનો મૂડ? જાણો ટ્રેડિંગ માટે નિષ્ણાતોની રણનીતિ
22 જુલાઈએ સેન્સેક્સ 715 અને નિફ્ટી 191 પોઈન્ટ તૂટ્યો. કાચા તેલના વધતા ભાવથી બજારમાં ગભરાહટ છે. 23 જુલાઈએ ટ્રેડિંગ કરતા પહેલા જાણો નિફ્ટી-બેંક નિફ્ટીના અગત્યના લેવલ્સ અને એક્સપર્ટ્સની સલાહ.
MoneyControl Newsઅપડેટેડ Jul 22, 2026 પર 5:23 PM
માર્કેટ બ્રેડ્થની વાત કરીએ તો 1443 શેરોમાં વધારો થયો હતો, જ્યારે 2616 શેરોમાં ભારે ઘટાડો નોંધાયો હતો અને 170 શેરોમાં કોઈ ફેરફાર થયો ન હતો. બ્રોડર માર્કેટમાં પણ દબાણ હતું, જ્યાં નિફ્ટી મિડકેપ ઈન્ડેક્સ 1 ટકા અને સ્મોલકેપ ઈન્ડેક્સ 1.5 ટકા તૂટ્યા હતા.
આજના ટોપ ગેનર્સ અને લુઝર્સ
Top Losers
નિફ્ટીમાં ઈન્ટરગ્લોબ એવિએશન, જિયો ફાઈનાન્સિયલ, ઈન્ફોસિસ, SBI અને ડૉ. રેડ્ડીઝ લેબ્સના શેરોમાં સૌથી વધુ ધોવાણ થયું હતું.
Top Gainers
બજારના ઘટાડા વચ્ચે પણ બજાજ ઓટો, નેસ્લે, ટાટા કન્ઝ્યુમર, પાવર ગ્રીડ કોર્પ અને ONGC જેવા શેરોએ રોકાણકારોને કમાણી કરાવી હતી.
સેક્ટોરલ પ્રદર્શન: કયા સેક્ટરમાં કેવી રહી સ્થિતિ?
આજે મોટાભાગના સેક્ટરમાં વેચવાલી જોવા મળી હતી. નિફ્ટી મીડિયા સેક્ટર સૌથી વધુ 2.68% તૂટ્યું હતું. આ ઉપરાંત રિયલ્ટી (-2.6%), PSU બેંક (-1.8%), IT (-1.5%), પ્રાઇવેટ બેંક (-1.4%), ફાર્મા (-1.3%) અને બેંક નિફ્ટી (-1.2%) ઘટાડા સાથે બંધ થયા હતા.
બીજી તરફ, સાવચેતીભર્યા માહોલ વચ્ચે માત્ર નિફ્ટી FMCG (0.65%) અને નિફ્ટી ઓટો (0.18%) લીલા નિશાનમાં બંધ થવામાં સફળ રહ્યા હતા.
બજારમાં કડાકા પાછળના મુખ્ય કારણો શું છે?
જિયોજિત ઈન્વેસ્ટમેન્ટ્સના હેડ ઓફ રિસર્ચ વિનોદ નાયરના જણાવ્યા અનુસાર બજાર પડવા પાછળ વૈશ્વિક કારણો જવાબદાર છે. US અને ઈરાન વચ્ચેનો તણાવ અને હૂથી વિદ્રોહીઓના કારણે શિપિંગ રૂટ પર થયેલી અસરથી ક્રૂડ ઓઈલની સપ્લાય ખોરવાઈ છે.
પરિણામે કાચા તેલના ભાવ વધ્યા છે અને રૂપિયો નબળો પડ્યો છે. સ્થાનિક મોંઘવારી વધવાની ચિંતાએ રોકાણકારોને જોખમ લેતા અટકાવ્યા છે. વ્યાજદરો પર નિર્ભર એવા રિયલ એસ્ટેટ અને બેન્કિંગ સેક્ટરમાં એટલે જ મોટો ઘટાડો આવ્યો છે. સાથે જ અમેરિકાના નવા ટેરિફ પ્રસ્તાવના ડરથી ફાર્મા શેરો પણ તૂટ્યા છે.
23 જુલાઈ માટે નિફ્ટી પર નિષ્ણાતોની રણનીતિ
માર્કેટ એક્સપર્ટ્સનું માનવું છે કે, ક્રૂડ ઓઈલના વધતા ભાવ ભારતીય બજાર માટે માથાનો દુખાવો બની ગયા છે. LKP સિક્યોરિટીઝના રૂપક ડેના જણાવ્યા મુજબ, કાચું તેલ તેના 50 EMAની ઉપર છે, જ્યારે નિફ્ટી 50 EMAની નીચે જવાની તૈયારીમાં છે. નિફ્ટીના ડેઈલી ચાર્ટ પર RSI બેરિશ ક્રોસઓવર બતાવે છે. જો નિફ્ટી 23,900 ની નીચે સરકશે તો મોટો ઘટાડો 23,700 થી 23,600 સુધી જઈ શકે છે. ઉપરની તરફ 24,100 પર મોટો અવરોધ છે.
Hedged.in ના રિયાંક અરોરાના મત મુજબ, નિફ્ટીએ 24,000 નું લેવલ તોડ્યું છે જે શોર્ટ-ટર્મ નબળાઈનો સંકેત છે. હવે 23,950-23,900 નો પહેલો સપોર્ટ છે. સારી તેજી માટે 24,100-24,200 ની ઉપર ટકવું ખૂબ જરૂરી છે. કોટક સિક્યોરિટીઝના શ્રીકાંત ચૌહાણે જણાવ્યું હતું કે, ડેઈલી ચાર્ટ પર એક લાંબી 'બેરિશ કેન્ડલ' બની છે. જ્યાં સુધી નિફ્ટી 24,100 ની નીચે ટ્રેડ કરી રહ્યો છે, ત્યાં સુધી ઘટાડાનો દોર ચાલુ રહી શકે છે. ઇન્ટ્રાડે ટ્રેડર્સ માટે 'લેવલ-બેઝ્ડ' ટ્રેડિંગ જ સૌથી શ્રેષ્ઠ રણનીતિ રહેશે.
બેંક નિફ્ટીમાં કયા લેવલ પર રાખવી નજર?
SBI સિક્યોરિટીઝના ટેકનિકલ રિસર્ચ હેડ સુદીપ શાહના જણાવ્યા મુજબ, બેંક નિફ્ટી છેલ્લા આઠ સેશનથી એક રેન્જમાં ફસાયેલો હતો, જેમાં આજે મોટું બ્રેકડાઉન આવ્યું છે. 8 જુલાઈ પછી પહેલીવાર તે 20-Day EMA ની નીચે બંધ થયો છે. બેંક નિફ્ટી માટે પહેલો મજબૂત સપોર્ટ 56,700-56,600 ના ઝોનમાં છે. જો આ લેવલ તૂટશે તો ઈન્ડેક્સ 56,300 અને ત્યારબાદ 56,000 સુધી સરકી શકે છે. ઉપરની તરફ હવે 57,500-57,600 મોટો અવરોધ બની ગયો છે.
ડિસ્ક્લેમર: Moneycontrol.com પર વ્યક્ત કરાયેલા મંતવ્યો નિષ્ણાતોના અંગત મંતવ્યો છે. આ માટે વેબસાઇટ અથવા મેનેજમેન્ટ જવાબદાર નથી. મની કંટ્રોલ યુઝર્સને કોઈપણ રોકાણ નિર્ણય લેતા પહેલા પ્રમાણિત નિષ્ણાતની સલાહ લેવાની સલાહ આપે છે.
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.