Get App

Axis Bankના શેરમાં મોટો કડાકો, મેનેજમેન્ટના આ નિવેદનથી રોકાણકારોને ઝટકો, શેર 4% તૂટ્યા

Axis Bank Share Price: એક્સિસ બેંકના મેનેજમેન્ટે ગ્રોથ આઉટલુક બદલતા શેરમાં મોટો ઘટાડો નોંધાયો છે. જાણો બ્રોકરેજ ફર્મનો મત અને શેરના નવા ટાર્ગેટ વિશે.

MoneyControl Newsઅપડેટેડ Dec 16, 2025 પર 2:25 PM
Axis Bankના શેરમાં મોટો કડાકો, મેનેજમેન્ટના આ નિવેદનથી રોકાણકારોને ઝટકો, શેર 4% તૂટ્યાAxis Bankના શેરમાં મોટો કડાકો, મેનેજમેન્ટના આ નિવેદનથી રોકાણકારોને ઝટકો, શેર 4% તૂટ્યા
Axis Bank ના શેરમાં ઘટાડા પાછળનું મુખ્ય કારણ 'નેટ ઇન્ટરેસ્ટ માર્જિન' (NIM) માં રિકવરી અંગેની ચિંતા છે.

Axis Bank Share Price: શેરબજારમાં આજે પ્રાઈવેટ સેક્ટરની દિગ્ગજ બેંક Axis Bank ના શેરોમાં ભારે વેચવાલીનું દબાણ જોવા મળ્યું હતું. વૈશ્વિક બજારોમાંથી મળેલા નબળા સંકેતો અને બેંકના મેનેજમેન્ટ દ્વારા ભવિષ્યના અંદાજમાં કરવામાં આવેલા ફેરફારને કારણે શેરના ભાવમાં મોટો ઘટાડો નોંધાયો છે.

આજે નિફ્ટી 50 (Nifty 50) ના ટોપ લૂઝર્સમાં એક્સિસ બેંકનો સમાવેશ થયો હતો. જાણો શું છે સમગ્ર મામલો અને બ્રોકરેજ હાઉસ હવે રોકાણકારોને શું સલાહ આપી રહ્યા છે.

Axis Bank ના શેરમાં ઘટાડાનું મુખ્ય કારણ

Axis Bank ના શેરમાં ઘટાડા પાછળનું મુખ્ય કારણ 'નેટ ઇન્ટરેસ્ટ માર્જિન' (NIM) માં રિકવરી અંગેની ચિંતા છે. બેંક મેનેજમેન્ટે સ્પષ્ટતા કરી છે કે બેંકના માર્જિનમાં સુધારો થવામાં ધારણા કરતા વધુ સમય લાગી શકે છે.

પહેલાનો અંદાજ: બેંકને આશા હતી કે નાણાકીય વર્ષ 2026 ના ત્રીજા ક્વાર્ટર સુધીમાં NIM રિકવર થઈ જશે.

નવો અંદાજ: હવે બેંકનું કહેવું છે કે રિકવરી માટે નાણાકીય વર્ષ 2026 ના ચોથા ક્વાર્ટર અથવા 2027 ના પહેલા ક્વાર્ટર સુધી રાહ જોવી પડી શકે છે.

આ સમાચાર બહાર આવતાની સાથે જ શેરમાં 4% સુધીનો કડાકો બોલી ગયો હતો. BSE પર શેર 3.88% ના ઘટાડા સાથે ₹1234.35 ના ભાવે બંધ રહ્યો હતો.

બધા સમાચાર

+ વધુુ વાંચો