RIL Share Price: શેરબજારના દિગ્ગજ સ્ટોક રિલાયન્સ ઇન્ડસ્ટ્રીઝ લિમિટેડના પ્રથમ ત્રિમાસિક પરિણામો અપેક્ષા કરતા વધુ સારા આવ્યા છે. આ શાનદાર પરિણામો બાદ દેશ અને દુનિયાની મોટી બ્રોકરેજ ફર્મ્સ રિલાયન્સના શેરને લઈને બુલિશ વલણ ધરાવે છે.
RIL Share Price: Q1 પરિણામો બાદ રિલાયન્સ પર બ્રોકરેજ ફર્મ્સ બુલિશ, Goldman Sachs એ આપ્યો 41% ઉછાળાનો મોટો ટાર્ગેટ
રિલાયન્સ ઇન્ડસ્ટ્રીઝના પ્રથમ ત્રિમાસિક પરિણામો બાદ બ્રોકરેજ ફર્મ્સ RILના શેર પર બુલિશ છે. O2C બિઝનેસ અને જિયોના શાનદાર પ્રદર્શનને કારણે ગોલ્ડમેન સૅક્સે શેરમાં 41%ના ઉછાળાનો ટાર્ગેટ આપ્યો છે. જાણો લેટેસ્ટ અપડેટ
MoneyControl Newsઅપડેટેડ Jul 20, 2026 પર 1:48 PM
માર્કેટ એક્સપર્ટ્સનું કહેવું છે કે કંપનીના ઓઇલ-ટુ-કેમિકલ્સ બિઝનેસમાંથી થયેલી જંગી કમાણી, રિલાયન્સ જિયોની સતત ગ્રોથ અને ન્યૂ એનર્જી વેન્ચર્સ માટેના સારા આઉટલુકનો સીધો ફાયદો કંપનીને મળશે. જોકે, મોટાભાગના એક્સપર્ટ્સે રિટેલ બિઝનેસના માર્જિન પર દબાણ હોવાની વાત સ્વીકારી છે, પરંતુ O2C અને જિયોના શાનદાર પ્રદર્શને આ નબળાઈની ભરપાઈ કરી દીધી છે.
દિગ્ગજ બ્રોકરેજ ફર્મ્સના રિલાયન્સ માટેના ટાર્ગેટ
ગોલ્ડમેન સૅક્સ
આ ગ્લોબલ બ્રોકરેજ ફર્મે રિલાયન્સના શેર માટે Buy રેટિંગ જાળવી રાખ્યું છે અને 1,870 રૂપિયાનો મોટો ટાર્ગેટ આપ્યો છે. આનો અર્થ એ છે કે વર્તમાન કિંમતથી શેરમાં લગભગ 41 ટકાનો ઉછાળો આવી શકે છે. ફર્મનું કહેવું છે કે ક્રૂડ ઓઇલના ઊંચા ભાવ હોવા છતાં O2C બિઝનેસનું પ્રદર્શન ધમાકેદાર રહ્યું છે. આવનારા સપ્ટેમ્બર ક્વાર્ટરમાં સોલાર અને બેટરી મેન્યુફેક્ચરિંગ ફેસિલિટી શરૂ થવાથી કંપનીની કમાણી વધુ વધશે.
નોમુરા
નોમુરાએ 1,690 રૂપિયાના ટાર્ગેટ પ્રાઇસ સાથે શેરમાં 'Buy' રેટિંગ આપ્યું છે. તેમના ડેટા મુજબ, O2C EBITDA વધીને લગભગ 17,000 કરોડ રૂપિયા થઈ ગયો છે, જે છેલ્લા 4 વર્ષની સૌથી ઊંચી સપાટી છે. જ્યારે એક્સપ્લોરેશન અને પ્રોડક્શન EBITDA સુધરીને 5,000 કરોડ રૂપિયા થયો છે. નવા સબસ્ક્રાઇબર્સ અને ARPU વધવાથી જિયોની આવકમાં પણ સારો ગ્રોથ જોવા મળ્યો છે.
CLSA
CLSA એ શેર માટે પોતાનું 'Outperform' રેટિંગ જાળવી રાખ્યું છે. બ્રોકરેજના અંદાજ કરતા કંપનીનો EBITDA 3 ટકા અને ટેક્સ પછીનો નફો 20 ટકા વધારે રહ્યો છે. આગામી 3 વર્ષમાં રિટેલ EBITDAને બમણો કરવાનો મેનેજમેન્ટનો લક્ષ્યાંક કંપની માટે ખૂબ જ પોઝિટિવ સંકેત છે.
મેક્વેરી
આ ફર્મે પણ 1,510 રૂપિયાના ટાર્ગેટ સાથે 'Outperform' રેટિંગ આપ્યું છે. મેક્વેરીને પૂરો ભરોસો છે કે જિયો અને રિટેલ બિઝનેસ બંને સામાન્ય અંદાજ કરતા વધુ સારી કમાણી કરીને લાંબા ગાળાના ગ્રોથને મજબૂત બનાવશે.
રિલાયન્સના શેરની બજારમાં ચાલ
બજારમાં ટ્રેડિંગ સેશન દરમિયાન બપોરે 12.30 વાગ્યાની આસપાસ રિલાયન્સનો શેર 0.15 ટકાના સામાન્ય વધારા સાથે 1,329 રૂપિયાની આસપાસ ટ્રેડ કરી રહ્યો હતો. ઇન્ટ્રા-ડેમાં આ શેરે 1,345.90 રૂપિયાનો હાઈ અને 1,314.90 રૂપિયાનો લો નાવ્યો હતો.
શેરના રિટર્નની વાત કરીએ તો, છેલ્લા 1 અઠવાડિયામાં આ શેર 2.45 ટકા અને 1 મહિનામાં 1.48 ટકા વધ્યો છે. જ્યારે લાંબા ગાળાના રોકાણકારો માટે 3 વર્ષમાં આ શેરે 1.47 ટકાની તેજી બતાવી છે. લાંબા ગાળાના રોકાણ અને વૈવિધ્યસભર બિઝનેસ મોડલને કારણે એક્સપર્ટ્સ હજુ પણ આ સ્ટોક પર ભરોસો જતાવી રહ્યા છે.
ડિસ્ક્લેમરઃ મનીકંટ્રોલ ડૉટ કૉમ નેટવર્ક 18 સમૂહનો હિસ્સો છે. મનીકંટ્રોલ ડૉટ કૉમ અને અન્ય ડિઝિટલ, પ્રિન્ટ અને ટીવી ચેનલ નેટવર્ક 18 ના અંતર્ગત આવે છે. નેટવર્ક 18 ના સ્વામિત્વ અને પ્રબંધન રિલાયન્સ ઈન્ડસ્ટ્રીઝના હાથમાં છે.
ડિસ્ક્લેમર: અહીં આપેલી માહિતી બ્રોકરેજ ફર્મના રિપોર્ટ પર આધારિત છે. શેરબજારમાં રોકાણ જોખમોને આધીન હોય છે. કોઈપણ રોકાણનો નિર્ણય લેતા પહેલા, કૃપા કરીને સર્ટિફાઇડ નિષ્ણાત અથવા તમારા નાણાકીય સલાહકારની મદદ લો. મની કંટ્રોલ યુઝર્સને કોઈપણ રોકાણ નિર્ણય લેતા પહેલા પ્રમાણિત નિષ્ણાતની સલાહ લેવાની સલાહ આપે છે
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.