સારા પરિણામ છતાં શેર 5% ઘટ્યો, શું અત્યારે ખરીદવાનો મોકો છે? જાણો 5 દિગ્ગજ બ્રોકરેજ ફર્મની સ્ટ્રેટેજી

Kotak Mahindra Bank shares: ખાનગી ક્ષેત્રની અગ્રણી બેંક કોટક મહિન્દ્રા બેંકના રોકાણકારો માટે આજનો દિવસ આંચકાજનક રહ્યો છે. માર્ચ 2026 ના ત્રિમાસિક ગાળાના શાનદાર પરિણામો જાહેર થયા હોવા છતાં, આજે શેરબજારમાં બેંકના શેરમાં ભારે વેચવાલી જોવા મળી હતી. જોકે, શેરના ભાવમાં ઘટાડા છતાં મોટાભાગની બ્રોકરેજ ફર્મ્સ આ સ્ટોક પર તેજીમાં છે અને તેને ખરીદવાની સલાહ આપી રહી છે.

શેરના ભાવની સ્થિતિ

આજે ઇન્ટ્રા-ડે ટ્રેડિંગ દરમિયાન કોટક મહિન્દ્રા બેંકનો શેર 5.14% જેટલો ગગડીને 363.00 ના સ્તરે પહોંચી ગયો હતો. હાલમાં BSE પર તે લગભગ 1.99% ના ઘટાડા સાથે 375.05 ના ભાવ પર ટ્રેડ થઈ રહ્યો છે. એસેટ ક્વોલિટીમાં સુધારો થયો હોવા છતાં બજારમાં જોવા મળેલી વેચવાલીએ રોકાણકારોને મૂંઝવણમાં મૂક્યા છે.

5 મોટી બ્રોકરેજ ફર્મ્સનો શું છે અભિપ્રાય?

શેરમાં ઘટાડા વચ્ચે પણ એનાલિસ્ટ્સ માને છે કે આ ખરીદીની એક સારી તક હોઈ શકે છે. જુઓ અલગ-અલગ બ્રોકરેજ ફર્મ્સના ટાર્ગેટ પ્રાઈસ:

Bernstein (ટાર્ગેટ: 500): બર્ન્સ્ટિને બેંકને 'માર્કેટ પરફોર્મ' રેટિંગ આપ્યું છે. તેમના મતે બેંકનું નેટ ઇન્ટરેસ્ટ માર્જિન (NIM) 13 બેસિસ પોઈન્ટ વધ્યું છે, જે અન્ય ખાનગી બેંકોની સરખામણીએ ઘણું સારું છે. લોન ગ્રોથ પણ વાર્ષિક ધોરણે 16% રહ્યો છે.

UBS (ટાર્ગેટ: 500): યુબીએસ આ શેર પર ખૂબ જ પોઝિટિવ છે અને 'Buy' રેટિંગ આપ્યું છે. બેંકના નફામાં થયેલો વધારો અને ક્રેડિટ કોસ્ટમાં ઘટાડો રોકાણકારો માટે આકર્ષક છે. ડિપોઝિટમાં 5.5% ની વૃદ્ધિ અને CASA રેશિયોમાં 200 બેસિસ પોઈન્ટનો સુધારો મજબૂત સંકેત છે.