ફિનોલેક્સ કેબલ્સે મજબૂત ત્રિમાસિક પરિણામો જાહેર કરતાં શેરમાં તેજી જોવા મળી રહી છે. આજે બીએસઈ ખાતે ફિનોલેક્સ કેબલ્સનો શેર 1.07 ટકા વધારા સાથે 1026.95 પર બંધ થયો છે. તાજેતરમાં 10 ઓગસ્ટે જ કંપનીનો શેર 1140ની વાર્ષિક ટોચે પહોંચ્યો હતો.
FinoLex Cabelsનો શેર 3 વર્ષમાં 254 ટકા વધ્યો, આવક 3 વર્ષમાં 500 કરોડ થવાનો લક્ષ્યાંક
Multibagger Stock: ફિનોલેક્સ કેબલ્સે 1 જાન્યુઆરી, 1999માં 21ના સ્તરે લિસ્ટિંગ કરાવ્યા બાદથી અત્યારસુધીમાં 4800 ટકા રિટર્ન આપ્યું છે.
MoneyControl Newsઅપડેટેડ Aug 16, 2023 પર 7:27 PM
ફિનોલેક્સ કેબલ્સની જૂન ત્રિમાસિકમાં આવક 19 ટકા વધી રૂ. 1204.3 કરોડ થઈ હતી.
જે ગતવર્ષે સમાનગાળામાં રૂ. 1015.7 કરોડ હતી. ચોખ્ખો નફો ગતવર્ષે રૂ. 119.6 કરોડ સામે 34 ટકા વધી રૂ. 160.4 કરોડ નોંધાયો હતો.
છેલ્લા 1 મહિનામાં ફિનોલેક્સ કેબલ્સ લિમિટેડના શેરે રોકાણકારોને 20 ટકા અને છેલ્લા 6 મહિનામાં તેણે લગભગ 55 ટકા રિટર્ન આપીને માલમાલ કર્યા છે. છેલ્લા છેલ્લા 1 વર્ષમાં, ફિનોલેક્સ કેબલ્સ લિમિટેડે રોકાણકારોની મૂડી બમણી કરી છે અને તેનો હિસ્સો ₹458ના સ્તરેથી ₹580 વધ્યો છે અને તે ₹1040ના સ્તરે ટ્રેડ થઈ રહ્યો છે.
ફિનોલેક્સ કેબલનો શેર, જે 20 ઓક્ટોબર, 2022ના રોજ ₹448ના સ્તરે હતો, તેણે 130 ટકાથી વધુ ઉછળ્યો છે. ફિનોલેક્સ કેબલ્સે 1 જાન્યુઆરી, 1999માં 21ના સ્તરે લિસ્ટિંગ કરાવ્યા બાદથી અત્યારસુધીમાં 4800 ટકા રિટર્ન આપ્યું છે.
કંપનીનો ભાવિ ગ્રોથ
કંપનીના સીએફઓએ આગામી બે-ત્રણ વર્ષમાં તેના એપ્લાયન્સિસ બિઝનેસ મારફત રૂ. 500 કરોડની આવક હાંસિલ કરવાનો લક્ષ્યાંક મૂક્યો છે.
કંપનીનો 50 ટકા ગ્રોથ ઓપ્ટિકલ ફાઈબર કેબલ સેગમેન્ટમાં જોવા મળ્યો છે. તદુપરાંત આ વર્ષના અંત સુધીમાં કંપની ઈ-બીમ ગ્રાહકો સાથે કામગીરી શરૂ કરવા જઈ રહી છે. કામગીરીમાં વિસ્તરણ સાથે કંપની આગામી સમયમાં 600થી 700 કરોડના પ્રોજેક્ટસ પૂર્ણ કરવાની યોજના ધરાવે છે.
માર્કેટ નિષ્ણાતે 1250નો ટાર્ગેટ આપ્યો
આકર્ષક ત્રિમાસિક પરિણામો અને ભાવિ યોજનાઓને ધ્યાનમાં લેતાં માર્કેટ નિષ્ણાતોએ ફિનોલેક્સ કેબલ્સ માટેનો ટાર્ગેટ વધાર્યો છે. માર્કેટ નિષ્ણાતે આગામી ટૂંકસમયમાં ફિનોલેક્સ કેબલ્સનો શેર 1250ના સ્તરે પહોંચશે તેવો આશાવાદ વ્યક્ત થયો છે.
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.