Gold-Silver ETFs:સપ્તાહના પહેલા જ દિવસે એટલે કે સોમવારે, 23 ફેબ્રુઆરીએ સોના અને ચાંદીમાં રોકાણ કરનારાઓ માટે શાનદાર સમાચાર આવ્યા છે. ગોલ્ડ અને સિલ્વર એક્સચેન્જ ટ્રેડ્રેડ ફંડ્સમાં જોરદાર તેજી જોવા મળી છે. ટ્રેડિંગ દરમિયાન સિલ્વર ETF માં 6% થી વધુનો ઉછાળો આવ્યો હતો, જ્યારે ગોલ્ડ ETF પણ લગભગ 2% જેટલા વધ્યા હતા.
Gold-Silver ETFs: સોના-ચાંદીના ETF માં 6% નો તોતિંગ ઉછાળો, અમેરિકાથી આવેલા આ 2 સમાચારે બદલી નાખી બાજી
સોમવારે સિલ્વર ETF માં 6% અને ગોલ્ડ ETF માં 2% નો જોરદાર ઉછાળો આવ્યો છે. અમેરિકન સુપ્રીમ કોર્ટે ટ્રમ્પના ટેરિફ નિર્ણયને રદ કરતા સોના-ચાંદી ચમક્યા. જાણો કયા ફંડમાં કેટલી તેજી આવી.
MoneyControl Newsઅપડેટેડ Feb 23, 2026 પર 4:11 PM
આ તેજી પાછળ મુખ્યત્વે બે મોટા કારણો જવાબદાર છે. પહેલું કારણ આંતરરાષ્ટ્રીય બજારમાં સોના-ચાંદીના ભાવમાં આવેલો ઉછાળો છે. અને બીજું સૌથી મોટું કારણ અમેરિકાથી આવ્યું છે. અમેરિકાની સુપ્રીમ કોર્ટે રાષ્ટ્રપતિ ડોનાલ્ડ ટ્રમ્પના ટેરિફ સંબંધિત નિર્ણયને રદ કરી દીધો છે. આ નિર્ણય બાદ અમેરિકન ડોલર નબળો પડ્યો અને રોકાણકારો સુરક્ષિત રોકાણ ગણાતા સોના-ચાંદી તરફ વળ્યા, જેના કારણે માંગમાં વધારો થયો.
સિલ્વર ETF માં જબરદસ્ત તેજી
માર્કેટમાં સિલ્વર ETF એ બાજી મારી લીધી છે અને સૌથી વધુ વળતર આપ્યું છે. સોમવારના આંકડા પર નજર કરીએ તો:
Nippon India Silver ETF: 6.06% વધીને 250.96 રૂપિયા પર પહોંચ્યો.
Tata Silver ETF: 6.17% ના વધારા સાથે 25.46 રૂપિયા પર ટ્રેડ થયો.
SBI Silver ETF: 6.09% વધીને 256.78 રૂપિયા થયો.
ICICI Prudential Silver ETF: 6.05% ની તેજી સાથે 261.76 રૂપિયા પર પહોંચ્યો.
આંતરરાષ્ટ્રીય સ્તરે ચાંદીના ભાવમાં જે મોટો ઉછાળો આવ્યો તેની સીધી અસર ભારતીય બજારના આ ETF પર જોવા મળી છે.
ગોલ્ડ ETF માં પણ ચમક
ચાંદીની સરખામણીએ સોનામાં તેજી થોડી ઓછી હતી, પરંતુ રોકાણકારોને સારો ફાયદો થયો છે:
Nippon India ETF Gold BeES: 2.07% વધીને 130.18 રૂપિયા થયો.
Tata Gold ETF: 2.01% વધીને 15.24 રૂપિયા પર પહોંચ્યો.
SBI Gold ETF: 2.05% ના વધારા સાથે 134.22 રૂપિયા પર ટ્રેડ થયો.
ICICI Prudential Gold ETF: 2.03% વધીને 134.84 રૂપિયા પર પહોંચ્યો.
આંતરરાષ્ટ્રીય બજારની સ્થિતિ
વૈશ્વિક બજારમાં સોના અને ચાંદી બંનેમાં આગ લાગી છે. મલ્ટી કોમોડિટી એક્સચેન્જ (MCX) પર 24 કેરેટ સોનું લગભગ 1.60 લાખ રૂપિયા પ્રતિ 10 ગ્રામની આસપાસ ટ્રેડ થતું જોવા મળ્યું, જેમાં 1.71% નો વધારો હતો. જ્યારે કોમેક્સ પર સોનું 1.85% વધીને 5,175 ડોલર પ્રતિ ઔંસ પર પહોંચ્યું હતું.
ચાંદીની વાત કરીએ તો MCX પર ચાંદી 4.7% ના ઉછાળા સાથે 2.64 લાખ રૂપિયા પ્રતિ કિલોગ્રામને પાર કરી ગઈ છે. જ્યારે કોમેક્સ પર ચાંદી 5.16% વધીને 86.59 ડોલર પ્રતિ ઔંસ પર રહી હતી.
શું કહે છે નિષ્ણાતો?
મોતીલાલ ઓસવાલ ફાઇનાન્શિયલ સર્વિસીસના કોમોડિટી એનાલિસ્ટ માનવ મોદીના જણાવ્યા અનુસાર, ડોલરમાં આવેલી નબળાઈ અને સુપ્રીમ કોર્ટના ટેરિફ નિર્ણયને કારણે સોના-ચાંદીના ભાવ ત્રણ અઠવાડિયાના ઉચ્ચ સ્તરે પહોંચી ગયા છે. જોકે, ટ્રમ્પ દ્વારા 15% કામચલાઉ ટેરિફની જાહેરાત કરવામાં આવી હોવાથી બજારમાં હજુ પણ થોડી અનિશ્ચિતતા બની રહી શકે છે.
ડિસ્ક્લેમર: અહીં આપેલી માહિતી બ્રોકરેજ ફર્મના રિપોર્ટ પર આધારિત છે. શેરબજારમાં રોકાણ જોખમોને આધીન હોય છે. કોઈપણ રોકાણનો નિર્ણય લેતા પહેલા, કૃપા કરીને સર્ટિફાઇડ નિષ્ણાત અથવા તમારા નાણાકીય સલાહકારની મદદ લો. મની કંટ્રોલ યુઝર્સને કોઈપણ રોકાણ નિર્ણય લેતા પહેલા પ્રમાણિત નિષ્ણાતની સલાહ લેવાની સલાહ આપે છે.
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.