ITC Q4 Results: નફામાં મોટો ઘટાડો છતાં શેરહોલ્ડર્સને મળશે 8 ડિવિડન્ડ, સિગારેટ બિઝનેસની આવક વધી

ITC Q4 Results : FMCG, સિગારેટ અને અન્ય બિઝનેસમાં કામ કરતી દિગ્ગજ કંપની ITC એ 21 મેના રોજ માર્ચ ક્વાર્ટરના પરિણામો જાહેર કર્યા છે. કંપનીના નફામાં આ વખતે મોટો ઘટાડો જોવા મળ્યો છે. માર્ચ ત્રિમાસિક ગાળામાં ITC નો પ્રોફિટ ઘટીને 5,113.36 કરોડ રહ્યો છે. ગયા વર્ષની સમાન અવધિમાં કંપનીનો નફો 19,562 કરોડ હતો.

કંપનીના નફામાં ઘટાડાનું મુખ્ય કારણ સિગારેટ બિઝનેસ પર વધુ ટેક્સનો પ્રભાવ અને ગયા વર્ષની તુલનામાં વન-ટાઈમ ગેઇન ન હોવું માનવામાં આવી રહ્યું છે. ગયા વર્ષની માર્ચ ત્રિમાસિક ગાળામાં ITC ને હોટેલ બિઝનેસના ડીમર્જરથી 15,179 કરોડનો વન-ટાઈમ ગેઇન મળ્યો હતો.

સિગારેટ બિઝનેસની આવકમાં વધારો

ITC ના સિગારેટ બિઝનેસની આવકમાં વધારો નોંધાયો છે. માર્ચ ક્વાર્ટરમાં સિગારેટ સેગમેન્ટમાંથી કંપનીને 11,066 કરોડની આવક થઈ છે. ગયા વર્ષની સમાન ત્રિમાસિક ગાળામાં આ આવક 8,400 કરોડ હતી. આવકમાં વધારો હોવા છતાં વધુ ટેક્સના કારણે નફા પર દબાણ જોવા મળ્યું છે. ITC માટે સિગારેટ બિઝનેસ હજુ પણ મુખ્ય કમાણી કરનાર સેગમેન્ટમાંથી એક છે.

પ્રતિ શેર 8 ફાઈનલ ડિવિડેન્ડ જાહેર

ITC એ પોતાના શેરહોલ્ડર્સ માટે પ્રતિ શેર 8 ફાઈનલ ડિવિડેન્ડની જાહેરાત કરી છે. કંપનીએ જણાવ્યું છે કે ફાઈનલ ડિવિડેન્ડનું પેમેન્ટ 24 જુલાઈથી 29 જુલાઈ વચ્ચે કરવામાં આવશે.

ડિવિડેન્ડ અંગે મહત્વની વિગતો